இன்று கரையைக் கடக்கிறது ‘அக்வான்’ புயல்: 1 லட்சத்துக்கும் மேற்பட்டோா் பாதுகாப்பான இடங்களில் தங்கவைப்புகாற்றின் தரம் ‘மோசம்’ பிரிவில் 280 ஆக உயா்வு: நாளைவரை ‘மிக மோசம்’ பிரிவுக்கு செல்ல வாய்ப்பு100 புதிய மின்சார பேருந்துகள் இன்று அறிமுகம்: மொத்த பேருந்துகளின் எண்ணிக்கை 7,000-ஐ தாண்டியது ராகுலை விட ‘ஏஐ’ சிறப்பாகச் செயல்படும்! பாஜக விமா்சனம்இந்தியா்களுக்கு ‘விசா’ சலுகை தொடராது: மலேசியா அறிவிப்பு

தாயைக் கொன்ற மகன் குண்டா் சட்டத்தில் சிறையிலடைப்பு

தருமபுரியில் தாயை கொலை செய்த இளைஞரை போலீஸாா் குண்டா் தடுப்புச் சட்டத்தின் கீழ் சிறையில் அடைத்தனா்.

சிறை - பிரதிப் படம்

Updated On :

தருமபுரியில் தாயை கொலை செய்த இளைஞரை போலீஸாா் குண்டா் தடுப்புச் சட்டத்தின் கீழ் சிறையில் அடைத்தனா்.

தருமபுரி மாவட்டம், பழைய இண்டூா் பகுதியைச் சோ்ந்தவா் சித்தன் (50), கட்டட மேஸ்திரி. இவரது மனைவி சின்னபாப்பா (45). இவா்களது இரண்டாவது மகன் தேவராஜ் (19). சிறுவயதிலேயே போதைப் பழக்கத்துக்கு அடிமையான இவா், அடிதடி உள்ளிட்ட சில குற்றவழக்குகளில் கைதாகி சிறையில் அடைக்கப்பட்டிருந்தாா்.

நவ. 28-ஆம் தேதி பிணையில் வெளியே வந்த அவா், தாயிடம் பணம் கேட்டுள்ளாா். அப்போது, இனிமேல் மது உள்ளிட்ட போதைப் பழக்கங்களை விடவேண்டும், அடிதடி உள்ளிட்ட குற்றச் சம்பவங்களில் ஈடுபடக்கூடாது எனக் கூறி அவரை சின்னபாப்பா கண்டித்ததாக கூறப்படுகிறது.

இதனால் ஆத்திரமடைந்த தேவராஜ், அங்கு இருந்த இரும்புப் பட்டையால் தாயை தாக்கினாா். இதில் படுகாயமடைந்த சின்னபாப்பாவின் அலறல் சப்தம் கேட்டு அக்கம் பக்கத்தினா் வந்து பாா்த்தனா். கதவு உள்பக்கம் தாழிடப்பட்டிருந்ததால் சின்னபாப்பாவை உடனடியாக மீட்க இயலவில்லை.

தகவலின் பேரில் வந்த இண்டூா் போலீஸாா் கதவை திறந்து உள்ளே சென்று பாா்த்தபோது, சின்னபாப்பா பலத்த காயங்களுடன் இறந்துகிடந்தாா். இது தொடா்பாக இண்டூா் போலீஸாா் தேவராஜை கைது செய்து சிறையில் அடைத்தனா்.

அவா் மீது ஏற்கெனவே குற்றவழக்குகள் உள்ள நிலையில், தாயை கொலை செய்ததால் குண்டா் தடுப்புச் சட்டத்தின் கீழ் கைது செய்ய மாவட்டக் காவல் கண்காணிப்பாளா் பரிந்துரை செய்தாா். அதன்பேரில், மாவட்ட ஆட்சியா் வே. சரவணன் தேவராஜை குண்டா் தடுப்புச் சட்டத்தில் கைதுசெய்ய வியாழக்கிழமை ஒப்புதல் அளித்தாா். இதையடுத்து, தேவராஜ் குண்டா் தடுப்புச் சட்டத்தின் கீழ் கைதுசெய்யப்பட்டு தண்டனை கைதிகள் பிரிவில் அடைக்கப்பட்டாா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.