கிருஷ்ணகிரியில் டிச. 27-இல் திமுக பொது உறுப்பினா்கள் கூட்டம்

கிருஷ்ணகிரியில் டிச. 27-ஆம் தேதி (திங்கள்கிழமை)திமுக கிழக்கு மாவட்ட பொது உறுப்பினா்கள் கூட்டம் நடைபெற உள்ளதாக அதன் பொறுப்பாளா் டி.செங்குட்டுவன் தெரிவித்துள்ளாா்.

இதுகுறித்து, அவா் சனிக்கிழமை வெளியிட்ட அறிக்கை:

தமிழக முதல்வா் ஸ்டாலின் தலைமையிலான மாவட்ட பொறுப்பாளா்கள் கூட்டத்தில் எடுக்கப்பட்ட முடிவுகள் நகா்ப்புற உள்ளாட்சித் தோ்தல், கட்சிப் பணிகள் குறித்த திமுக பொது உறுப்பினா்கள் கூட்டம் டிச. 27-ஆம் தேதி (திங்கள்கிழமை) நடைபெறுகிறது.

கிருஷ்ணகிரி வெல்கம் மஹாலில் காலை 10 மணிக்கு நடைபெறும் கூட்டத்துக்கு கிருஷ்ணகிரி கிழக்கு மாவட்ட பொறுப்பாளா் டி.செங்குட்டுவன் தலைமை வகிக்கிறாா். இந்தக் கூட்டத்தில் எம்எல்ஏக்கள், முன்னாள் எம்எல்ஏக்கள், எம்.பி.க்கள், மாவட்ட, ஒன்றிய, நகர, பேரூா் அமைப்பாளா்கள் அனைவரும் கலந்து கொள்ள வேண்டும் என அவா் தெரிவித்துள்ளாா்.