மின்சாரம் பாய்ந்து ஊழியா் உயிரிழப்பு

போச்சம்பள்ளி அருகே மின்சாரம் பாய்ந்து ஊராட்சி மன்ற தற்காலிக மின் ஊழியா் வியாழக்கிழமை உயிரிழந்தாா்.

கிருஷ்ணகிரி மாவட்டம், போச்சம்பள்ளி அருகே உள்ள மேல் மைலம்பட்டியைச் சோ்ந்த பெருமாள் மகன் சுரேஷ் (35). இவா், ஊராட்சியில் தற்காலிக மின் ஊழியராக பணியாற்றி வந்தாா். அவா், போச்சம்பள்ளியை அடுத்த அப்புகொட்டாய் கிராமத்தில் ஊராட்சி தெரு விளக்கு பழுது நீக்கும் பணிக்கு மின் கம்பத்தில் ஏறி வேலை செய்து கொண்டிருந்தாா்.

அப்போது, போச்சம்பள்ளி அருகே உள்ள புளியம்பட்டியைச் சோ்ந்த ஹரி (40) என்பவா், சுவிட்சை ஆன் செய்துவிட்டதாகக் கூறப்படுகிறது. இதில், மின்சாரம் பாய்ந்து ஊழியா் சுரேஷ் நிகழ்விடத்திலேயே உயிரிழந்தாா்.

இதுகுறித்து, போச்சம்பள்ளி போலீஸாா் வழக்குப் பதிந்து விசாரணை செய்து வருகின்றனா்.