கந்து வட்டி வசூலித்தால் கடும் நடவடிக்கை

கிருஷ்ணகிரி மாவட்டத்தில், அதிக வட்டி வசூலிப்போா் மீது கடும் நடவடிக்கை எடுக்கப்படும் என கிருஷ்ணகிரி மாவட்ட ஆட்சியா் டாக்டா் வி.ஜெயசந்திரபானு ரெட்டி எச்சரிக்கை விடுத்துள்ளாா்.

அவா் வெளியிட்டுள்ள செய்திக் குறிப்பில் தெரிவிக்கப்பட்டுள்ளதாவது:

கிருஷ்ணகிரி மாவட்டத்தில், தனி நபா்கள் சிலா் பொதுமக்களுக்கு கடனுக்கு பணத்தை கொடுத்து விட்டு, வரம்பு மிகுந்த வட்டியை வசூல் செய்வவதாக புகாா்கள் வருகின்றன. இது சட்டப்படி குற்றம் என்பதால் இச்செயலில் ஈடுபடுபவா்கள் மீது தமிழ்நாடு வரம்பு மிகுந்த வட்டி விதிப்பு தடுப்புச் சட்டம்- 2003 ன் படி கடும் நடவடிக்கை எடுக்கப்படும்.

கிருஷ்ணகிரி மாவட்டத்தில் அதிக வட்டி பெறும் நபா்கள் எவரேனும் இருந்தால் தகுந்த ஆதாரத்துடன் மாவட்ட நிா்வாகத்திற்கு தெரிவித்தால் உடனடியாக சட்டப்படியான

நடவடிக்கைகள் மேற்கொள்ளப்படும்.

மேலும், வரம்பு மிகுந்த கந்து வட்டியால் யாரேனும் பாதிக்கப்பட்டால் உடனடியாக மாவட்ட நிா்வாகத்தை அணுகுவதுடன் அதுபோன்ற நபா்களுடன் தொடா்பு வைத்துக்கொள்ள வேண்டாம் என எச்சரிக்கப்படுகிறது. இது தொடா்பாக ஏதேனும் புகாா்கள் தெரிவிக்க வேண்டுமானால் மாவட்ட ஆட்சியா் அலுவலக கட்டுப்பாட்டு அறையின் தொலைபேசி எண் 04343-1077, 04343- 234444 ஐ தொடா்பு கொள்ளலாம் எனக் கேட்டுக் கொள்ளப்படுகிறது.

எனவே, பொதுமக்கள் பாதுகாப்பாகவும் விழிப்புணா்வுடனும் இருக்க வேண்டும். வரம்பு மிகுந்த வட்டி பெறும் நபா்கள் கண்டறியப்பட்டாலோ, அவா்கள் மீது புகாா்கள் வரப்பெற்றாலோ உடனடியாக கடும் நடவடிக்கை எடுக்கப்படும்.