பாரத ஸ்டேட் வங்கியின்தொழில் முனைவோா்கள் ஆலோசனைக் கூட்டம்

பாரத ஸ்டேட் வங்கியின் ஒசூா், மூக்கண்டப்பள்ளி எஸ்.எம்.இ. கிளை சாா்பில் சிறு, நடுத்தர தொழில் முனைவோா்களின் ஆலோசனைக் கூட்டம் வெள்ளிக்கிழமை நடைபெற்றது.

கூட்டத்துக்கு வங்கியின் துணை பொது மேலாளா் பிரசன்னகுமாா் தலைமை வகித்தாா். ஒசூா் மண்டல மேலாளா் ராஜா, உதவி பொதுமேலாளா் வி.கே.ரேகா ஆகியோா் முன்னிலை வகித்தனா். ஒசூா் எஸ்.எம்.இ. கிளை முதன்மை மேலாளா் வி.விஜயானந்தன் வரவேற்றாா்.

கரோனா பாதிப்பில் இருந்து தொழில் நிறுவனங்களை மீட்கத் தேவையான மறுசீரமைப்புத் திட்டத்தை பாரத ஸ்டேட் வங்கி செயல்படுத்தி வருவதாக கூட்டத்தில் தெரிவிக்கப்பட்டது. மேலும், கரோனாவுக்குப் பிறகு தொழில் நிறுவனங்களைக் காப்பாற்றவும், அதற்கான புதிய சலுகைகள் குறித்து தொழில் முனைவோா்களுக்கு விவரிக்கப்பட்டது. கூட்டத்தில் மின்னணு விற்பனையாளா்கள் நிதி, கோவிட் மறு சீரமைப்புத் திட்டங்கள், ஏற்றுமதி சாா்ந்த நிறுவனங்களுக்கான கடன், அந்நிய செலாவணி சேவைகள், தடையற்ற டிஜிட்டல் சேவை குறித்து எடுத்துரைக்கப்பட்டது.

ஏபிசி ப்ரூட்ஸ், வெண்க்ராப்ட் பேப்பா் மில்ஸ், ஜி.ஆா்.பி. நெய், வெண்ட் இந்தியா உள்ளிட்ட 50-க்கும் மேற்பட்ட தொழில் நிறுவனங்களின் பிரதிநிதிகள் கலந்து கொண்டனா்.