கிருஷ்ணகிரி மாவட்டத்தில் இன்று வாக்காளா் பட்டியலுடன் ஆதாரை இணைக்கும் சிறப்பு முகாம்

கிருஷ்ணகிரி மாவட்டத்திலுள்ள 6 சட்டப்பேரவை தொகுதிகளில் வாக்காளா் பட்டியலுடன் ஆதாா் எண்ணை இணைக்கும் வகையிலான சிறப்பு முகாம் மாா்ச் 18-ஆம் தேதி (சனிக்கிழமை) நடைபெறுகிறது.

இதுகுறித்து மாவட்ட தோ்தல் அலுவலரும், ஆட்சியருமான தீபக் ஜேக்கப் வெள்ளிக்கிழமை வெளியிட்ட செய்திக் குறிப்பு:

இந்திய தோ்தல் ஆணையத்தின் உத்தரவுபடி, கிருஷ்ணகிரி மாவட்டத்திலுள்ள 6 சட்டப்பேரவை தொகுதிகளிலும் 1.8.2022-ஆம் தேதி முதல் வாக்காளா் பட்டியலுடன் ஆதாா் எண்ணை இணைக்கும் பணி தொடா்ந்து நடைபெற்று வருகிறது.

இந்தப் பணி, கிருஷ்ணகிரி மாவட்டத்தில் தற்போது 77 சதவீதம் நிறைவடைந்துள்ளது. இந்தப் பணியை துரிதப்படுத்தும் நோக்கில் மாா்ச் 18-ஆம் தேதி சிறப்பு முகாம் நடத்த ஏற்பாடு செய்யப்பட்டுள்ளது.

அனைத்து வாக்குசாவடி நிலை அலுவலா்களும் வீடுவீடாக சென்று களப் பணி மேற்கொண்டு, வாக்காளா்களிடம் ஆதாா் எண்ணை பெற்று 6-பி படிவம், கருடா செயலி மூலம் உள்ளீடு செய்யும் பணி மேற்கொள்வா். அலுவலா்கள் இந்த பணி தொடா்பாக படிவம் 6-பி-ஐ சேகரிக்கும் போது பொதுமக்கள் ஒத்துழைப்பு வழங்கி, இந்த வாய்ப்பை பயன்படுத்தி வாக்காளா் பட்டியலுடன் ஆதாா் எண்ணை இணைத்து பயனடையுமாறு அவா் கேட்டுக் கொண்டுள்ளாா்.

மேலும், பொதுமக்கள் ங்ப்ங்ஸ்ரீற்ண்ா்ய் - ச்ஹஸ்ரீண்ய்ஞ் ல்ா்ழ்ற்ஹப்ள் / அல்ல்ள் ப்ண்ந்ங் சயநட, யஏஅ ஆகியவற்றின் மூலம் இணைய வழியில் வாக்காளா்களே நேரடியாக இணைக்கலாம். இணைக்க இயலாதவா்கள், வாக்குச்சாவடி நிலை அலுவலா்களிடம் கருடா செயலி அல்லது படிவம் 6-பி-ஐ சமா்ப்பித்து வாக்காளா்கள் தங்களது ஆதாா் எண்ணை வாக்காளா் பட்டியலுடன் பதிவு செய்து கொள்ளலாம்.

இது தொடா்பாக ஏதேனும் சந்தேகங்கள் இருப்பின் 1950 என்ற இலவச உதவி எண்ணை தொடா்பு கொண்டு கூடுதல் விவரங்களை பெறலாம் என அவா் தெரிவித்துள்ளாா்.