கிருஷ்ணகிரியில் அமைச்சா் உதயநிதி ஸ்டாலின் பிறந்த நாள் விழா

தமிழக அமைச்சா் உதயநிதி ஸ்டாலினின் பிறந்த நாளை கிருஷ்ணகிரியில் நகர திமுக சாா்பில் அக்கட்சியினா் திங்கள்கிழமை கொண்டாடினா்.

கிருஷ்ணகிரி கருணாநிதி மேம்பாலம் அருகே நடைபெற்ற இந்த நிகழ்வுக்கு கிருஷ்ணகிரி நகர திமுக செயலாளா் எஸ்.கே.நவாப் தலைமை வகித்தாா். கிருஷ்ணகிரி கிழக்கு மாவட்ட திமுக செயலாளா் தே.மதியழகன் எம்எல்ஏ (பா்கூா்) சிறப்பு விருந்தினராக பங்கேற்றாா். அங்குள்ள முன்னாள் முதல்வா் கருணாநிதியின் முழு உருவ வெண்கலச் சிலைக்கு அவா் மாலை அணிவித்து மரியாதை செலுத்தினாா்.

தொடா்ந்து கேக் வெட்டி அனைவருக்கும் இனிப்புகளை வழங்கினாா். இந்த நிகழ்வில் திமுக பொதுக்குழு உறுப்பினா் அஸ்லம், மாவட்ட இளைஞா் அணி துணை அமைப்பாளா் சத்யமூா்த்தி, நகர அவைத் தலைவா் மாதவன், பொருளாளா் கனல் சுப்பிரமணி, நகர மாணவா் அணி துணை அமைப்பாளா் லட்சுமிகாந்த் உள்ளிட்டோா் பங்கேற்றனா்.