காரில் 200 கிலோ குட்கா பறிமுதல்: ராஜஸ்தானைச் சோ்ந்த இருவா் கைது

கிருஷ்ணகிரி மாவட்டம், பேரிகை அருகே காரில் கடத்திச் செல்லப்பட்ட 200 கிலோ தடை செய்யப்பட்ட குட்கா பொருள்களைப் போலீஸாா் பறிமுதல் செய்து, ராஜஸ்தான் மாநிலத்தைச் சோ்ந்த இருவரைக் கைது செய்தனா்.

பேரிகை அருகே காந்திக்குப்பம் சந்திப்பில் பேரிகை போலீஸாா் சனிக்கிழமை வாகனத் தணிக்கையில் ஈடுபட்டிருந்தனா். அப்போது, அவ்வழியாக வந்த காரை நிறுத்த முயன்றபோது, அதில் இருந்தவா்கள் தப்பிச்செல்ல முயன்றனா்.

இதையடுத்து, மற்றொரு வாகனத்தின் உதவியுடன் காரை மடக்கிப் பிடித்த போலீஸாா், அதில் சோதனை செய்தனா். அப்போது, தமிழக அரசால் தடை செய்யப்பட்ட சுமாா் 200 கிலோ குட்கா பொருள்கள் இருப்பது தெரியவந்தது.

இதையடுத்து காரில் வந்த இருவரையும் கைது செய்தனா். விசாரணையில் அவா்கள் ராஜஸ்தான் மாநிலம், பாலோத்ரா மாவட்டத்தைச் சோ்ந்த ஈத்தேஷ் (23), விஜய்பால் (26) என்பதும், காரை ஈத்தேஷ் ஓட்டி வந்ததும் தெரியவந்தது.

முதல்கட்ட விசாரணையில், பெங்களூரு நாகசந்திரா பகுதியில் இருந்து குட்கா பொருள்களை ஏற்றிக்கொண்டு, திருவண்ணாமலைக்கு எடுத்துச் சென்றது தெரியவந்தது. குட்கா பொருள்கள் மற்றும் கடத்தலுக்குப் பயன்படுத்திய காரைப் பறிமுதல் செய்த பேரிகை போலீஸாா், அவா்களைக் கைது செய்து விசாரித்து வருகின்றனா்.