கிருஷ்ணகிரி அருகே மூதாட்டி கொலை: பெண் உள்பட இருவா் கைது
கிருஷ்ணகிரி அருகே மூதாட்டியை கொலை செய்து நகைகளை திருடிய பெண் உள்பட இருவரை போலீஸாா் வியாழக்கிழமை கைது செய்தனா்.
கைது - கோப்புப் படம்
கிருஷ்ணகிரி அருகே மூதாட்டியை கொலை செய்து நகைகளை திருடிய பெண் உள்பட இருவரை போலீஸாா் வியாழக்கிழமை கைது செய்தனா்.
கிருஷ்ணகிரி அருகே உள்ள மேல்அம்மனேரியைச் சோ்ந்தவா் முனியம்மா (80). இவருக்கு குழந்தைகள் இல்லாததால், சகோதரா் வீட்டின் அருகே குடிசை அமைத்து தனியாக வசித்து வந்தாா். இந்நிலையில், குடிசை வீட்டில் மா்மமான முறையில் முனியம்மா புதன்கிழமை இறந்துகிடந்தாா். மேலும், அவா் அணிந்திருந்த ஒரு பவுன் தங்கத்தோடு, வெள்ளிக் கொலுசு ஆகியவை திருடு போயிருந்தன.
தகவல் அறிந்த போலீஸாா் நிகழ்விடத்துக்கு சென்று முனியம்மாவின் உடலை மீட்டு, பிரேத பரிசோதனைக்காக கிருஷ்ணகிரி அரசு மருத்துவக் கல்லூரி மருத்துவமனைக்கு அனுப்பி வைத்தனா்.
இதுகுறித்து வழக்குப் பதிந்து விசாரணை செய்துவந்த கிருஷ்ணகிரி போலீஸாா், இதுதொடா்பாக பெண் உள்பட இருவரை வியாழக்கிழமை கைது செய்தனா்.
இதுகுறித்து போலீஸாா் கூறுகையில், குடிசை வீட்டில் தனியாக வசித்து வந்த முனியம்மா கழுத்து நெரித்து கொலை செய்யப்பட்டுள்ளாா். விசாரணையில், அதே கிராமத்தைச் சோ்ந்த உறவினரான நாகம்மாள் (40), குண்டா பெருமாள் (43) இருவரும் சோ்ந்து முனியம்மாளை கொலை செய்து நகைகளை திருடிச் சென்றதும், அவற்றை கிருஷ்ணகிரியில் அடமானம் வைத்திருந்ததும் தெரியவந்தது. இதையடுத்து, இருவரும் கைது செய்யப்பட்டு, அடமானம் வைத்த நகைகள் பறிமுதல் செய்யப்பட்டன என்று தெரிவித்தனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

