தொழிலதிபரை தாக்கி நகைகளை கொள்ளையடித்த வழக்கு: 3 போ் குண்டா் சட்டத்தில் அடைப்பு

பா்கூா் அருகே தொழிலதிபரை தாக்கி நகைகளை கொள்ளையடித்த வழக்கில் கைதான 3 போ், குண்டா் தடுப்புச் சட்டத்தின் கீழ் வியாழக்கிழமை சிறையில் அடைக்கப்பட்டனா்.

கிருஷ்ணகிரி மாவட்டம், புஷ்பகிரி கிராமத்தை சோ்ந்தவா் அருள்சுந்தரம் (42), தொழிலதிபா். இவா், கடந்த ஆக. 26-ஆம் தேதி சென்னை - கிருஷ்ணகிரி தேசிய நெடுஞ்சாலையில் அரசு பொறியியல் கல்லூரி அணுகு சாலை அருகே ஜீப்பை நிறுத்திவிட்டு நின்றிருந்தாா்.

அப்போது, இருசக்கர வாகனத்தில் வந்த 8 போ் கொண்ட கும்பல் அருள்சுந்தரத்தை தாக்கி மிரட்டி, அவா் அணிந்திருந்த 3.5 பவுன் தங்க நகையை பறித்துச் சென்றனா்.

புகாரின்பேரில், கந்திகுப்பம் போலீஸாா் வழக்குப் பதிந்து இந்த சம்பவத்தில் ஈடுபட்ட கிருஷ்ணகிரி கொத்தபெட்டா காலனியைச் சோ்ந்த அசோக் (எ) அசோக்குமாா் (24) , தா்மராஜா கோயில் தெருவைச் சோ்ந்த காதா் பாஷா (22) , செந்தூா் முருகன் கோயில் தெருவைச் சோ்ந்த விஷ்ணு (23) உள்ளிட்ட 7 பேரை கைது செய்தனா்.

இந்நிலையில், அசோக்குமாா், காதா் பாஷா, விஷ்ணு ஆகிய மூவரையும் குண்டா் தடுப்பு சட்டத்தின் கீழ் சிறையில் அடைக்க கிருஷ்ணகிரி மாவட்டக் காவல் கண்காணிப்பாளா் கோ.ச.அனிதா, கிருஷ்ணகி மாவட்ட ஆட்சியருக்கு பரிந்துரை செய்தாா். இதையடுத்து, கிருஷ்ணகிரி மாவட்ட ஆட்சியா் ச.தினேஷ்குமாா் உத்தரவின்பேரில், 3 பேரும் குண்டா் தடுப்புச் சட்டத்தின் கீழ் சேலம் மத்திய சிறையில் அடைக்கப்பட்டனா்.