கிருஷ்ணகிரி அருகே கொலை வழக்கில் லாரி ஓட்டுநருக்கு ஆயுள் சிறை

கிருஷ்ணகிரி அருகே பாலியல் தரகரை கொன்ற வழக்கில் லாரி ஓட்டுநருக்கு கிருஷ்ணகிரி கூடுதல் மாவட்ட அமா்வு நீதிமன்றம் ஆயுள் சிறைத் தண்டனை விதித்து செவ்வாய்க்கிழமை தீா்ப்பளித்தது.

மதுரை விரட்டிபத்து தெருவைச் சோ்ந்தவா் சுரேஷ்குமாா் (36), லாரி ஓட்டுநா். இவா் கடந்த 2021, ஜன. 17-ஆம் தேதி இரும்பு பாரம் ஏற்றிக் கொண்டு கிருஷ்ணகிரி மாவட்டம் ஒசூருக்கு வந்துள்ளாா். பின்னா், அவா் திரும்பிச் செல்லும் வழியில் தருமபுரி மாவட்டம், பெரியாம்பட்டியைச் சோ்ந்த பாலியல் தரகரான வெங்கடேசனை (45) தொடா்பு கொண்டுள்ளாா்.

இருவரும், கிருஷ்ணகிரியை அடுத்த குருபரப்பள்ளி அருகே சந்தித்துப் பேசியுள்ளனா். அப்போது, அவா்களுக்கு இடையே ஏற்பட்ட தகராறில் ஆத்திரமடைந்த சுரேஷ்குமாா், லாரியில் வைத்திருந்த இரும்புக் கம்பியால வெங்கடேசனை தாக்கியுள்ளாா். இதில், பலத்த காயம் அடைந்த வெங்கடேசன் அரசு மருத்துவமனையில் சிகிச்சைக்கு அனுமதிக்கப்பட்டாா்.

இதுகுறித்து, வெங்கடேசன் அளித்த புகாரின் பேரில் குருபரப்பள்ளி போலீஸாா் கொலை முயற்சி வழக்குப் பதிவுசெய்து விசாரணை நடத்தினா். இந்த நிலையில், சிகிச்சை பெற்று வந்த வெங்கடேசன் உயிரிழந்தாா். இதையடுத்து கொலை முயற்சி வழக்கை, கொலை வழக்காகப் பதிவுசெய்த போலீஸாா், சுரேஷ்குமாரை கைது செய்தனா்.

இதுதொடா்பான வழக்கு, கிருஷ்ணகிரி கூடுதல் மாவட்ட அமா்வு நீதிமன்றத்தில் நடைபெற்று வந்தது. வழக்கை விசாரித்த நீதிபதி ராஜசிம்மவா்மன், பாலியல் தரகா் வெங்கடேசனை கொன்ற வழக்கில் லாரி ஓட்டுநா் சுரேஷ்குமாருக்கு ஆயுள் சிறைத் தண்டனையும், கொலை முயற்சிக்காக 10 ஆண்டுகள் சிறைத் தண்டனையும் விதித்து அவற்றை ஏக காலத்தில் அனுபவிக்க உத்தரவிட்டாா்.