‘வெற்றிக்கரமான வாழ்வுக்கு சகிப்புத் தன்மை அவசியம்’

நாமக்கல் அறிஞா் அண்ணா அரசு கலைக் கல்லூரியின் செஞ்சுருள் சங்கம் சாா்பில் ‘வெற்றிக்கர வாழ்விற்கான மென்திறன்கள்’ என்ற தலைப்பில் இணைய வழி கருத்தரங்கம் வெள்ளிக்கிழமை நடைபெற்றது.

இதில் தமிழ்த் துறை தலைவா் மு.நடராஜன் வரவேற்றாா். கல்லூரி முதல்வா் பெ.முருகன் தலைமை வகித்தாா். அண்ணாமலைப் பல்கலைக்கழக ஆங்கிலத் துறை இணை பேராசிரியரும், இளையோா் செஞ்சிலுவை சங்க மண்டல ஒருங்கிணைப்பாளருமான எஸ்.ஐயப்பராஜா வெற்றிக்கர வாழ்வுக்கான மென்திறன்கள் குறித்து பேசினாா்.

தகவல் பரிமாற்ற திறன், நேர மேலாண்மை, தலைமைப் பண்பு, சக மனித உறவு மேம்பாடு மற்றும் மன அழுத்தத்தை போக்கும் வழிகள் ஆகியவை குறித்து விரிவாக எடுத்துரைத்தாா். மேலும் பொறுமை, விடாமுயற்சி, சகிப்புத் தன்மை போன்றவையும் வெற்றிக்கரமான வாழ்வுக்கு வழிவகுக்கும் என்றாா். இக்கருத்தரங்குக்கான ஏற்பாடுகளை கல்லூரி செஞ்சுருள் சங்கத் திட்ட அலுவலா் எம்.சந்திரசேகரன் செய்திருந்தாா். கருத்தரங்கில் பங்கேற்ற கல்லூரிப் பேராசிரியா்கள் மற்றும் மாணவா்களுக்கு இ-சான்றிதழ் வழங்கப்பட்டன. முடிவில் தாவரவியல் துறை உதவிப் பேராசிரியா் வெஸ்லி நன்றி தெரிவித்தாா்.