நாமக்கல்: குமாரபாளையம் தனியாா் கல்லூரியில் படித்து வந்த கொல்கத்தாவைச் சோ்ந்த 60 மாணவா்கள் அக்கல்லூரி பேருந்து மூலம் சொந்த ஊருக்கு அனுப்பிவைக்கப்பட்டனா்.
இதுகுறித்து நாமக்கல்லில் வியாழக்கிழமை செய்தியாளா்களிடம் அவா் கூறியது:
கரோனா தொற்று இல்லாத மாவட்டமாக நாமக்கல் மாறியுள்ளதால் அனைவருக்கும் நிம்மதி அளித்துள்ளது. கடந்த 2 மாதங்களில் பொது முடக்கத்தை கட்டுப்பாட்டில் வைத்திருக்க காவல் துறையினா் பல்வேறு நடவடிக்கைகளை மேற்கொண்டனா். பொதுமுடக்க விதிமுறைகளை மீறியதாக 6,280 வழக்குகள் பதிவு செய்யப்பட்டுள்ளன. கடந்த 10 நாள்களில் வாகன விதிமீறல் தொடா்பாக 10 ஆயிரம் பேரிடம் அபராதம் வசூலிக்கப்பட்டுள்ளது.
சொந்த மாநிலம் செல்ல 4,800 போ் விண்ணப்பம்: நாமக்கல் மாவட்டத்தில் அஸ்ஸாம், அருணாச்சலபிரதேசம், மேகாலயம், சிக்கிம், மேற்கு வங்கம், ஒடிஸா, பிகாா், ராஜஸ்தான் உள்ளிட்ட பல்வேறு மாநிலத்தைச் சோ்ந்த தொழிலாளா்கள் உள்ளனா். மொத்தம் உள்ள 14 ஆயிரம் பேரில் சுமாா் 4,800 தொழிலாளா்கள் சொந்த மாநிலத்துக்கு செல்ல விருப்பம் தெரிவித்துள்ளனா். அதற்கான விண்ணப்பத்தையும் வழங்கி உள்ளனா். அரசு சாா்பில் அவா்களுக்கு உதவ வேண்டும் என்றால், அதற்கான சிறப்பு ரயில் இயக்கும் வரை காத்திருக்க வேண்டும்.
மாணவா்கள் கொல்கத்தா பயணம்: குமாரபாளையம் எக்ஸல் பொறியியல் கல்லூரியில் படிக்கும் மேற்கு வங்க மாநிலத்தைச் சோ்ந்த மாணவ, மாணவிகள் 60 போ் தங்களுடைய சொந்த ஊருக்கு செல்ல விரும்பினா். இதற்காக, அந்த மாநில அரசுத் துறை அதிகாரிகளை அவா்களே தொடா்பு கொண்டு பேசினா். அதனடிப்படையில், மாணவா்கள் ஒரு பங்கு, அம்மாநில அரசு ஒரு பங்கு கட்டணத் தொகை என்ற வகையில் அவா்கள் படிக்கும் கல்லூரி பேருந்து மூலமாக அண்மையில் கொல்கத்தாவுக்கு புறப்பட்டு சென்றனா்.
மேலும், பள்ளிப்பாளையத்தில் உள்ள 28 மேற்கு வங்கத் தொழிலாளா்களை அழைத்து செல்வதற்காக கொல்கத்தாவில் இருந்து அரசுப் பேருந்து ஒன்று வந்து கொண்டிருக்கிறது.
கேரள, கா்நாடக பேருந்துகள் மாவட்ட எல்லையில் நிறுத்தம்: கொல்லிமலை மற்றும் மாவட்டத்தின் மற்ற பகுதிகளில் இருந்து கேரளம், கா்நாடக மாநிலங்களுக்கு வேலைக்காக சென்ற தொழிலாளா்கள் தற்போது அந்த மாநில அரசு பேருந்துகள் மூலம் இங்கு அனுப்பி வைக்கப்படுகின்றனா். அவ்வாறு தொழிலாளா்களை அழைத்து வரும் பேருந்துகளை மாவட்ட எல்லையான குமாரபாளையம் எஸ்.எஸ்.எம். கல்லூரி அருகில் நிறுத்திவிடுகிறோம். அங்கு தொழிலாளா்களை பரிசோதித்த பிறகு வாகனம் மூலமே சொந்த ஊா்களுக்கு அனுப்பிவைக்கிறோம். அவா்கள் சில நாள்கள் தனிமைப்படுத்தலில் வைக்கப்பட்ட பிறகு வீடுகளுக்கு அனுப்பப்படுகின்றனா் என்றாா்.