புபுரட்டாசி முதல் சனிக்கிழமையையொட்டி, நைனாமலை பெருமாள் கோயிலுக்கு பக்தா்கள் வர தடை விதிக்கப்பட்டுள்ளதால் சுவாமி தரிசனம் செய்ய பக்தா்கள் வர வேண்டாம் என கோயில் நிா்வாகம் தெரிவித்துள்ளது.
நாமக்கல் மாவட்டத்தில் பிரசித்தி பெற்ற ஸ்தலங்களுள் புதன்சந்தை அருகில் உள்ள நைனாமலை வரதராஜப் பெருமாள் கோயிலும் ஒன்று. இக்கோயிலுக்கு ஒவ்வோா் ஆண்டும் புரட்டாசி மாத சனிக்கிழமைகளில் ஏராளமான பக்தா்கள் வருகின்றனா்.
சுமாா் 3,500 அடி உயரத்தில் மலை உச்சியில் அமைந்துள்ள பெருமாளை தரிசிக்க அடிவாரப் பகுதியான பாத மண்டபம் ஆஞ்சநேயா் கோயிலிலிருந்து 3 ஆயிரம் படிக்கட்டுகளைக் கடந்து இக்கோயிலுக்குச் செல்ல வேண்டும்.
இங்கு புரட்டாசி மாதத்தில் உற்சவ திருவிழா வெகு விமரிசையாக நடைபெறும். சனிக்கிழமைகளில் முதல் நாள் இரவிலேயே வந்து பக்தா்கள் காத்திருப்பா். நாமக்கல் மாவட்டம் மட்டுமின்றி சேலம், ஈரோடு, கரூா் உள்பட அருகில் உள்ள மாவட்டங்களில் இருந்தும் ஏராளமானோா் சுவாமியைத் தரிசிக்க வருவா். இவற்றில் மூன்றாம் நான்காம் சனிக்கிழமைகளில் பக்தா்கள் கூட்டம் கூடுதலாகக் காணப்படும்.
கரோனா தொற்று பரவல் காரணமாக கடந்த ஆண்டும் புரட்டாசி சனிக்கிழமை நாள்களில் மலைக்குச் செல்ல கோயில் நிா்வாகம் தடை விதித்தது. சுவாமியை தரிசிக்க வந்த பக்தா்கள் அடிவாரப் பகுதியில் உள்ள ஆஞ்சநேயா் கோயில் அருகில் அலங்கரித்து வைக்கப்பட்டிருந்த உற்சவரை மட்டுமே வணங்கிவிட்டுச் சென்றனா். நிகழாண்டில் அக். 31 ஆம்தேதி வரையில் கோயில் விழாக்களுக்கு அரசு தடை விதித்துள்ளது.
அதிலும் குறிப்பாக வெள்ளி, சனி, ஞாயிற்றுக்கிழமை மூன்று நாள்கள் கோயில்கள் கட்டாயம் மூடப்பட்டிருக்க வேண்டும் எனத் தெரிவித்துள்ளது. இதையடுத்து நிகழாண்டு நைனாமலையில் உற்சவ விழா ரத்து செய்யப்பட்டுள்ளது. நாமக்கல் நரசிம்மா் கோயில், அரங்கநாதா் கோயில், சேந்தமங்கலம் லட்சுமி நாராயண சுவாமி கோயில், மோகனூா் கல்யாண பிரசன்ன வெங்கடேசப் பெருமாள் கோயில், ராசிபுரம் வரதராஜப் பெருமாள் கோயில் ஆகிய கோயில்களிலும் புரட்டாசி முதல் சனிக்கிழமை அன்று சுவாமி தரிசனம் செய்ய பக்தா்களுக்குத் தடை விதிக்கப்பட்டிருக்கிறது.
இதுகுறித்து நைனாமலை கோயில் நிா்வாகம் தரப்பில் கூறியதாவது:
கோயில் விழாக்களுக்கு அக். 31 ஆம்தேதி வரையில் தமிழக அரசு தடை விதித்துள்ளது. அதுமட்டுமின்றி, வெள்ளி, சனி, ஞாயிற்றுக்கிழமை மூன்று நாள்களும் கோயில்கள் மூடப்பட வேண்டும் எனவும் அறிவுறுத்தியுள்ளது.
புரட்டாசி சனிக்கிழமை அன்று பெருமாளை தரிசிக்க ஏராளமானோா் வருவா். கடந்த ஆண்டைப்போல் உற்சவரை வைத்து வழிபாடு நடத்துவதற்கும் வாய்ப்பில்லை.
சனிக்கிழமை பக்தா்கள் அதிகம் வருவாா்கள் என்பதால் சேந்தமங்கலம் காவல் நிலையத்தில் மனு அளித்துள்ளோம். கோயிலுக்கு வரும் பக்தா்களிடம் சுவாமி தரிசனம் ரத்து என்பதைத் தெளிவுப்படுத்தி திருப்பி அனுப்பி வைக்குமாறு தெரிவித்துள்ளோம். இதனால், வெளிமாவட்ட பக்தா்கள் நைனாமலைக்கு வந்து சிரமப்பட வேண்டாம் என தெரிவித்துள்ளது.
--
என்கே 16- கோயில்
மலை உச்சியில் அமைந்துள்ள நைனாமலை வரதராஜப் பெருமாள் கோயில்.