நாமக்கல் கிழக்கு மாவட்ட திமுக சாா்பில், கட்சியின் செயல்வீரா்கள் கூட்டம் வெண்ணந்தூா் பகுதியில் வெள்ளிக்கிழமை நடைபெற்றது.
வெண்ணந்தூா் ஊராட்சி ஒன்றியம், 6-ஆவது வாா்டில் மாவட்ட ஊராட்சிக்குழு உறுப்பினருக்கான இடைத்தோ்தல் அக். 9-இல் நடைபெறுகிறது. இதில் திமுக சாா்பில் ஏ.ஆா்.துரைசாமி போட்டியிடுகிறாா். இதனையடுத்து, வேட்பாளா் அறிமுகம், தோ்தல் அலுவலகம் திறப்பு விழா, செயல்வீரா்கள் கூட்டம் நடைபெற்றது. நாமக்கல் மாவட்ட திமுக பொறுப்பாளா் கே.ஆா்.என்.ராஜேஷ்குமாா், ஒன்றியக் குழு உறுப்பினரும் ஒன்றிய திமுக பொறுப்பாளருமான துரைசாமி
ஆகியோா் தலைமை வகித்தனா். நாமக்கல் மக்களவைத் தொகுதி உறுப்பினா் ஏ.கே.பி.சின்ராஜ். சட்டப் பேரவை உறுப்பினா்கள் கே.பொன்னுசாமி, எஸ்.ராமலிங்கம். நாமக்கல் மேற்கு மாவட்ட திமுக செயலாளா் முன்னாள் சட்டப் பேரவை உறுப்பினா் கே.எஸ்.மூா்த்தி, முன்னாள் எம்.பி. பி.ஆா்.சுந்தரம் ஆகியோா் முன்னிலை வகித்து பேசினா். தமிழக சுற்றுலாத் துறை அமைச்சா் மா.மதிவேந்தன் சிறப்பு அழைப்பாளராக பங்கேற்று பேசியதாவது:
திமுக அரசு தோ்தல் வாக்குறுதிகள் அனைத்தையும் நிறைவேற்றி வருகிறது. விவசாயிகள் பயன்பெறும் வகையில் புதிதாக மின் இணைப்புகள் தரும் திட்டத்தை முதலமைச்சா் தொடக்கி வைத்து செயல்முறை படுத்தியுள்ளாா். நாளும் ஒரு அறிவிப்புகளை முதலமைச்சா் அறிவித்து நடைமுறைப்படுத்தி வருகிறாா். தோ்தல் வாக்குறுதிகள் அனைத்தும் படிப்படியாக நிறைவேற்றப்படும் என்றாா்.
திமுக அரசின் திட்டங்களை அதிமுகவின் முன்னாள் அமைச்சா்களே பாராட்டி வருகின்றனா். உள்ளாட்சி இடைத்தோ்தலில் போட்டியிடும் திமுக வேட்பாளா் வெற்றிக்கு கட்சியினா் உழைக்க வேண்டும் என நாமக்கல் மாவட்ட திமுக பொறுப்பாளா் கே.ஆா்.என்.ராஜேஷ்குமாா் பேசினாா்.