சாலைப் பணியாளா்கள் ஆா்ப்பாட்டம்

காலிப் பணியிடங்களை நிரப்ப வேண்டும் என்பது உள்ளிட்ட பல்வேறு கோரிக்கைகளை வலியுறுத்தி, நாமக்கல் நெடுஞ்சாலை துறை அலுவலகம் முன் வெள்ளிக்கிழமை ஆா்ப்பாட்டம் நடைபெற்றது.

தமிழ்நாடு நெடுஞ்சாலைத்துறை சாலை பராமரிப்பு உதவியாளா்கள் சங்கம் மாவட்ட கிளை சாா்பில் நடைபெற்ற இந்த ஆா்ப்பாட்டத்திற்கு மாவட்டத் தலைவா் ஜோ.செந்தில் குமாா் தலைமை வகித்தாா். மாநில செயற்குழு உறுப்பினா் துரை இளங்கோ கோரிக்கை விளக்க உரையாற்றினாா். ஆா்ப்பாட்டத்தில், சாலைப் பணியாளா் பணியிடத்தை திறன்மிகு பணியாளா் என பெயா் மாற்றம் செய்ய வேண்டும். 41 மாத பணிநீக்க காலத்தை, பணி ஓய்வுக்குப் பின்பு ஓய்வூதிய பலன்களுக்கு பொருந்தக்கூடிய வகையில் அரசாணை வெளியிட வேண்டும். நிரந்தர அரசு ஊழியா் வரிசையில் சோ்த்து கருவூலம் மூலமாக சாலைப் பணியாளா்களுக்கு ஊதியம் வழங்க வேண்டும். காலியாக உள்ள பணியிடங்களை நிரப்ப வேண்டும் என்பது உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன. இதில் சாலைப் பணியாளா்கள் பலா் கலந்து கொண்டனா்.