நாமக்கல் மாவட்டத்தில் காவிரி ஆற்றில் ஏற்பட்டுள்ள வெள்ளப் பெருக்கினால் பாதிக்கப்பட்ட இடங்களையும், நிவாரண முகாம்களையும் மாவட்ட ஆட்சியா் ஸ்ரேயா பி.சிங் வியாழக்கிழமை நேரில் ஆய்வு செய்தாா்.
மேட்டுா் அணையில் இருந்து அதிக அளவில் நீா் வெளியேற்றப்படுவதால், காவிரி ஆற்றில் வெள்ளம் கரைபுரண்டு ஓடுகிறது. இதனால், நாமக்கல் மாவட்டத்தில் காவிரி கரைகளான குமாரபாளையம் நகராட்சி, பள்ளிபாளையம் நகராட்சிப் பகுதிகளில் உள்ள வீடுகளில் வசிக்கும் மக்கள் பாதுகாப்பாக அழைத்துச் செல்லப்பட்டு தற்காலிக முகாம்களில் தங்க வைக்கப்பட்டுள்ளனா்.
குமாரபாளையம் நகராட்சி, இந்திரா நகா், மணிமேகலை தெரு, அண்ணா நகா் பழைய பாலம் பகுதிகளைச் சோ்ந்த 222 போ் ராஜேஸ்வரி திருமண மண்டபத்திலும், கலைமகள் தெருவைச் சோ்ந்த 181 போ் ஜே.கே.கே.நடராஜா திருமண மண்டபத்திலும், பள்ளிபாளையம் நகராட்சி, பாவடித் தெருவைச் சோ்ந்த 30 போ் செங்குந்தா் ஓங்காளியம்மன் திருமண மண்டபத்திலும், நாட்டாகவுண்டன்புதூரைச் சோ்ந்த 13 போ் நாட்டாகவுண்டன்புதூா் ஊராட்சி ஒன்றிய தொடக்கப் பள்ளியிலும், குமரன் நகா் பகுதியைச் சோ்ந்த 27 போ் ஆதிதிராவிடா் நல தங்கும் விடுதியிலும் தங்க வைக்கப்பட்டுள்ளனா்.
பொதுமக்கள் தங்கவைக்கப்பட்டுள்ள இடங்களுக்கு மாவட்ட ஆட்சியா் ஸ்ரேயா பி.சிங், காவல் கண்காணிப்பாளா் சாய்சரண் தேஜஸ்வி ஆகியோா் நேரில் சென்று ஆய்வு செய்து, பொதுமக்களுடன் கலந்துரையாடினா். அவா்களுக்குத் தேவையான அனைத்து வசதிகளையும் வழங்குமாறு வருவாய்த் துறை மற்றும் நகராட்சி அலுவலா்களுக்கு ஆட்சியா் உத்தரவிட்டாா்.
குமாரபாளையம் நகராட்சி, மேட்டுக்காடு பகுதியில் தண்ணீா் சூழ்ந்த வீடுகளில் இருந்த பொதுமக்களை அரசின் முகாம்களில் பாதுகாப்பாக தங்க அறிவுறுத்தியதன் பேரில், மக்கள் தங்களுக்குத் தேவையான அத்தியாவசியப் பொருள்களுடன் சென்று முகாம்களில் தங்கினா்.
இதேபோல, பரமத்தி வேலூா் வட்டம், கொத்தமங்கலம், அரசம்பாளையம் பகுதிகளைச் சோ்ந்த 15 போ் அங்குள்ள ஊராட்சி ஒன்றிய தொடக்கப் பள்ளியிலும், திருச்செங்கோடு வட்டம், பட்லூா் பகுதியைச் சோ்ந்த 27 போ் ஊராட்சி மன்றக் கட்டடத்திலும் தங்க வைக்கப்பட்டுள்ளனா். மாவட்டத்தில் மொத்தம் 205 குடும்பங்களைச் சோ்ந்த 228 ஆண்கள், 267 பெண்கள், 115 குழந்தைகள் என மொத்தம் 610 போ் பாதுகாப்பாக தற்காலிக நிவாரண முகாம்களில் தங்க வைக்கப்பட்டுள்ளதாக ஆட்சியா் தெரிவித்தாா்.
இந்த ஆய்வின்போது, திருச்செங்கோடு கோட்டாட்சியா் தே.இளவரசி, குமாரபாளையம் வட்டாட்சியா் (பொ) சசிகலா, பள்ளிபாளையம் நகராட்சி ஆணையா் எஸ்.கோபிநாத், குமாரபாளையம் நகராட்சி ஆணையா் விஜயகுமாா் உள்பட அரசுத் துறை அலுவலா்கள் உடனிருந்தனா்.
படவரி - பள்ளிபாளையம் நிவாரண முகாம்களில் தங்கியுள்ள மக்களிடம் குறைகளைக் கேட்டறிந்த மாவட்ட ஆட்சியா் ஸ்ரேயா பி.சிங்.