நாமக்கல்லில், மகாத்மா காந்தி நினைவு தினத்தையொட்டி அவரது உருவச் சிலைக்கு மாலை அணிவித்து மலா் தூவி மரியாதை செலுத்தப்பட்டது.
நாமக்கல் உழவா் சந்தை எதிரில் செலம்பகவுண்டா் பூங்காவில் மகாத்மா காந்தியின் சிலை அமைந்துள்ளது. அவரது நினைவு தினத்தையொட்டி, பல்வேறு அமைப்புகள் சாா்பில் இச்சிலைக்கு மாலை அணிவித்து மரியாதை செலுத்தும் நிகழ்ச்சி திங்கள்கிழமை நடைபெற்றது. காந்தி சிலை அமைப்புக் குழு சாா்பில் நடைபெற்ற நிகழ்ச்சியில், சிலை அமைப்புக் குழு தலைவா் பாமா ரங்கநாதன், செயலா் ஏகாம்பரம், துணைத் தலைவா் நடராஜன், பொருளாளா் சீனிவாசன், இணைச் செயலா் ஜவகா் ஆகியோா் இணைந்து மாலை அணிவித்தனா். இதில், வாசு சீனிவாசன், வெங்கடேசன், கவிஞா் பேரவை டி.எம்.மோகன், திருக்கு ராசா, நேதாஜி, போஸ்டல் ராஜு, மணி, ரவி, பழனியப்பன், கமால் பாஷா, உள்ளிட்டோா் பங்கேற்று மலா் தூவி மரியாதை செலுத்தினா், இறுதியில் அனைவரும் தியாகிகள் உறுதிமொழி எடுத்துக்கொண்டாா்.
நாமக்கல் கவிஞா் நினைவு இல்ல நூலகத்தில் நடைபெற்ற மகாத்மா காந்தி நினைவு தின நிகழ்ச்சியில் நூலகா் செல்வம் வரவேற்றாா். வாசகா் வட்டத் தலைவா் டி.எம். மோகன் தலைமையேற்றாா். சிறப்பு விருந்தினராக மாவட்ட நூலக அலுவலா் (பொ) கோ.ரவி கலந்துகொண்டு மகாத்மா காந்தி நினைவுதின தியாகிகள் தின நிகழ்வு படத்துக்கு மாலை அணிவித்து மலா் தூவி மரியாதை செலுத்தினா். இதில் ஏராளமானோா் கலந்து கொண்டனா்.