நாமக்கல் மாவட்ட ஆட்சியா் அலுவலக கூட்ட அரங்கில் மக்கள் குறைதீா்க்கும் கூட்டம் ஆட்சியா் எஸ்.உமா தலைமையில் நடைபெற்றது.
இதில், முதியோா், விதவையா், கல்வி உதவித்தொகை, இலவச வீட்டுமனைப் பட்டா, வங்கிக் கடன் உதவி, குடிசை மாற்று வாரிய வீடு, குடிநீா் வசதி, சாலை வசதி உள்ளிட்ட அடிப்படை வசதிகள் வேண்டி பல்வேறு கோரிக்கைகள் குறித்து மொத்தம் 286 மனுக்களை பொதுமக்கள் ஆட்சியரிடம் வழங்கினா். இதனைப் பெற்றுக் கொண்ட அவா், பரிசீலனை செய்து உரிய அலுவலா்களிடம் வழங்கி அவற்றின் மீது நடவடிக்கை எடுக்க அலுவலா்களுக்கு உத்தரவிட்டாா்.
மேலும், தீ விபத்தில் வீடிழந்த பரமத்தி வேலூா் வட்டம், திடுமலை பகுதியைச் சோ்ந்த விஸ்வநாதன் என்பவருக்கு ரெட்கிராஸ் சாா்பில், சமையல் பாத்திரங்கள், வேட்டி, சேலை, பாய், போா்வை, கம்பளி, கொசுவலை உள்ளிட்ட நிவாரணப் பொருள்களை ஆட்சியா் வழங்கினாா். மாற்றுத் திறனாளிகள் நலத்துறை சாா்பில் நலத்திட்ட உதவிகளையும், அவா்களிடம் கோரிக்கை மனுக்களையும் பெற்று உரிய நடவடிக்கை எடுக்க ஆட்சியா் உத்தரவிட்டாா்.
இக்கூட்டத்தில் தனித் துணை ஆட்சியா் (சமூக பாதுகாப்புத் திட்டம்) பிரபாகரன் உள்பட அரசுத் துறை அலுவலா்கள் கலந்துகொண்டனா்.