பள்ளி, கல்லூரிகளில் பயிலும் மாணவ, மாணவியா் எந்தத் துறையினைத் தோ்வு செய்தாலும் முழுக் கவனத்துடன் கல்வி பயின்றால் உயா்ந்த இலக்கை அடையலாம் என மாவட்ட ஆட்சியா் ச.உமா தெரிவித்தாா்.
‘விழுதுகளை வோ்களாக்க’ எனும் தலைப்பில் தமிழ்நாடு அரசின் ஆதிதிராவிடா் நலத்துறை மற்றும் தன்னாா்வ இயக்கம் இணைந்து நடத்திய ஆதிதிராவிடா் நலப்பள்ளி, விடுதிகளில் தங்கி பயிலும் மாணவ, மாணவியருக்கான உயா்கல்வி வழிகாட்டுதல் நிகழ்ச்சி குமாரபாளையம் அரசு கல்வியியல் கல்லூரி வளாகத்தில் செவ்வாய்க்கிழமை நடைபெற்றது.
இந்நிகழ்ச்சியில் பங்கேற்ற மாவட்ட ஆட்சியா் ச.உமா பேசியதாவது :
கடந்த காலங்களில் பள்ளி, கல்லூரியில் படித்தோருக்கு உயா்கல்வி, வேலைவாய்ப்புக்கு உரிய வழிகாட்டுதல் அதிகம் இல்லை. போட்டித்தோ்வில் பங்கேற்க நூலகத்துக்குச் சென்று புத்தகங்களைத் தேடிப் படித்து, குறிப்புகள் எடுக்க வேண்டும்.
தற்போதைய தொழில்நுட்ப காலத்தில் போட்டித் தோ்வுகளில் பங்கேற்கத் தேவையான அனைத்து தகவல்களும், விவரங்களும் உடனுக்குடன் கிடைக்கிறது. மாணவ, மாணவியா் எந்தத் துறையை தோ்வு செய்தாலும், முழுக் கவனத்துடன் படித்தால் உயா்ந்த இலக்கை அடையலாம். உலகத்தில் கற்றுக் கொள்ள வேண்டியது அதிகம் உள்ள நிலையில், சிறந்ததைத் தோ்வு செய்வது அவசியம். தமிழகத்தை வளா்ச்சியடைந்த, முன்னோடி மாநிலமாக மாற்ற அனைவரும் முயற்சிக்க வேண்டும் என்றாா்.
மாவட்ட ஆதிதிராவிடா் நலத் துறை அலுவலா் சே.சுகந்தி, குமாரபாளையம் வட்டாட்சியா் அ.சண்முகவேலு, ஆதிதிராவிடா் நலத் துறை தனி வட்டாட்சியா் சு.சரவணன், உயா்கல்வி வழிகாட்டு பயிற்றுநா் சுனில்குமாா், போட்டித்தோ்வு பயிற்சியாளா் கண்ணன், மனிதவள மேம்பாட்டு பயிற்சியாளா் சு.சிவகுமாா், களங்காணி ஆதிதிராவிடா் நலப்பள்ளி உள்பட பல்வேறு பள்ளி, விடுதிகளில் தங்கி பயிலும் 250-க்கும் மேற்பட்ட மாணவ, மாணவியா் பங்கேற்றனா்.