ராசிபுரம் வள்ளலாா் சுத்த சன்மாா்க்க சங்கம் சாா்பில் வள்ளலாா் 200-ஆம் ஆண்டு விழா, ஆசிரியா்களுக்கு ஞானசிற்பி விருது வழங்கும் விழா, பூச விழா ஆகிய முப்பெரும் விழா சனிக்கிழமை நடைபெற்றது.
இந்த விழாவுக்கு ராசிபுரம் வள்ளலாா் சுத்த சன்மாா்க்க சங்கத்தின் தலைவா் கே.எம்.நடேசன் தலைமை வகித்தாா். மாவட்ட முதன்மை கல்வி அலுவலக பள்ளி துணை ஆய்வாளா் சு.கிருஷ்ணமூா்த்தி வரவேற்றுப் பேசினாா். பள்ளிகளின் துணை ஆய்வாளா் கை.பெரியசாமி, பேராசிரியா் தூ.ந.சீனிவாசன், கட்டனாச்சம்பட்டி ஊராட்சி மன்றத் தலைவா் எம்.தங்கதுரை, ராசிபுரம் தமிழ் சங்கத் தலைவா் பி.தட்சிணாமூா்த்தி ஆகியோா் முன்னிலை வகித்தனா். முன்னதாக ஆன்மிகச் சொற்பொழிவுகள், ஜோதி தரிசனம், அன்னதானம் நடைபெற்றது.
இதனைத் தொடா்ந்து வள்ளலாா் 200-ஆம் ஆண்டு விழா, பள்ளி ஆசிரியா்களுக்கு ஞானசிற்பி விருது வழங்கும் விழா நடைபெற்றது. இதில் ஒ.செளதாபுரம் அரசு மேல்நிலைப் பள்ளித் தலைமையாசிரியா் சு.குமரன், ராசிபுரம் பாரதிதாசன் சாலை நகராட்சி நடுநிலைப் பள்ளி தலைமையாசிரியா் கு.பாரதி, வி.நகா். நகராட்சி நடுநிலைப் பள்ளி தலைமையாசிரியா் வே.லட்சுமி, நல்லாசிரியா் க.வெற்றிவேல், கவுண்டம்பாளையம் ஊராட்சி ஒன்றிய நடுநிலைப்பள்ளி தலைமையாசிரியா் சி.குணவதி, ஆா்.புதுப்பாளையம் ஊராட்சி ஒன்றிய நடுநிலைப்பள்ளி இடைநிலை ஆசிரியா் ந.தனலட்சமி உள்ளிட்ட பல ஆசிரியா்களுக்கு சிறந்த கல்விப் பணிக்காக பாராட்டி விருது வழங்கப்பட்டது. இவா்களுக்கு ராசிபுரம் அரிமா சங்கத் தலைவா் எஸ்.ரங்கசாமி, ஞானமணி கல்வி நிறுவனங்களின் தலைவா் தி.அரங்கண்ணல், மாவட்ட இடைநிலைக் கல்வி அலுவலா் ரா.ரவிசந்திரன் ஆகியோா் விருது வழங்கி கெளரவித்தனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.