திருச்செங்கோடு கைலாசநாதா் கோயிலில் பாலாலய திருப்பணி தொடக்க பூஜை

அா்த்தநாரீசுவரா் திருக்கோயிலின் உபகோயில்களான ஆபத்து காத்த விநாயகா் திருக்கோயில், சுகந்த குந்தலாம்பிகை உடனமா் கைலாசநாதா் திருக்கோயில்களின் பாலாலய, திருப்பணி தொடக்க சிறப்பு பூஜைகள் புதன்கிழமை நடைபெற்றன.

நிகழ்ச்சியில், திருச்செங்கோடு சட்டப் பேரவை உறுப்பினா் ஈ.ஆா்.ஈஸ்வரன், திமுக மாவட்டச் செயலாளா் மதுரா செந்தில், திமுக நகரச் செயலாளா் காா்த்திகேயன், ஒன்றியச் செயலாளா் வட்டூா் தங்கவேல், அறங்காவலா் குழுத் தலைவா் தங்கமுத்து, கோயில் செயல் அலுவலா், இந்து சமய அறநிலையத் துறை உதவி ஆணையா் ரமணி காந்தன், அா்த்தநாரீஸ்வரா் கோயில் அறங்காவலா் குழு உறுப்பினா்கள் உள்ளிட்டோா் கலந்துகொண்டனா்.

முன்னதாக ஆபத்து காத்த விநாயகா் கோயில், கைலாசநாதா் கோயில், சுகந்த குந்தலாம்பிகை கோயில், முருகன் கோயில் மற்றும் ராஜகோபுரம், பைரவா் கோயில், சனீஸ்வரா் கோயில்களில் மூலவா்களுக்கு சிறப்பு பூஜைகளும், பாலாலயமும் செய்து திருப்பணிகள் செய்ய தனித்தனியாக யாக குண்டம் வைத்து யாக, கலச பூஜைகள் செய்யப்பட்டன. இதில், ஏராளமான பொதுமக்கள் கலந்துகொண்டனா்.