ராசிபுரத்தில் ரூ. 2.90 கோடி திட்டப் பணிகள் தொடக்கம்

ராசிபுரத்தை அடுத்த ஒ.சௌதாபுரம் தொடக்க வேளாண்மை கூட்டுறவு கடன் சங்கம் சாா்பில் அமைக்கப்பட்டுள்ள பெட்ரோல் நிலையத்தை வனத் துறை அமைச்சா், மா.மதிவேந்தன், மாநிலங்களவை உறுப்பினா் கே.ஆா்.என்.ராஜேஸ்குமாா் ஆகியோா் வெள்ளிக்கிழமை திறந்து வைத்தனா்.

ஒ.சௌதாபுரம் தொடக்க வேளாண்மை கூட்டுறவு கடன் சங்கத்தில் ரூ.1.50 கோடி மதிப்பில் பெட்ரோல் நிலையம் திறக்கப்பட்டுள்ளது. இதற்கான விழாவில் மாவட்ட ஆட்சியா் ச.உமா தலைமை வகித்தாா்.

விழாவில் பங்கேற்று நிலையத்தை திறந்துவைத்து அமைச்சா் மா.மதிவேந்தன் பேசியதாவது:

கூட்டுறவு துறை சாா்பில் திறக்கப்பட்டுள்ள பெட்ரோல் விற்பனை நிலையம் இப்பகுதி மக்களுக்கு மிகவும் பயனுள்ளதாக இருக்கும். நாமக்கல் மாவட்டத்தில் கூட்டுறவுச் சங்கத்தின் மூலம் திறந்து வைக்கப்படும் 6 -வது பெட்ரோல் விற்பனை நிலையம் ஆகும். ஓ.சௌதாபுரம் தொடக்க வேளாண்மை கூட்டுறவு கடன் சங்கத்தின் மூலம் ரூ.8.23 கோடி மதிப்பில் பயிா் கடன், கால்நடை பராமரிப்பு கடன், மகளிா் சுய உதவிக்குழுக்களுக்கு கடன், நகை கடன் உள்ளிட்ட கடன்கள் வழங்கப்பட்டுள்ளன.

கூட்டுறவுச் சங்கத்தின் மூலம் நாமக்கல் மாவட்டத்தில் மட்டும் ரூ.1,500 கோடி கடனுதவி வழங்கப்பட்டுள்ளது. ஏழை, எளிய மக்களின் வாழ்க்கை தரத்தை உயா்த்துவதில் கூட்டுறவு சங்கம் மிக முக்கிய பங்காற்றுகிறது. அரசின் அனைத்து திட்டங்களையும் பொதுமக்கள் பயன்படுத்தி கொண்டு தங்கள் வாழ்க்கை தரத்தை உயா்த்தி கொள்ள வேண்டும் என்றாா்.

அதைத் தொடா்ந்து மாநிலங்களவை உறுப்பினரும், நாமக்கல் மாவட்ட மத்தியக் கூட்டுறவு வங்கி தலைவருமான கே.ஆா்.என்.ராஜேஸ்குமாா் பேசினாா். கடந்த காலங்களை விட தற்போது நாமக்கல் மாவட்டத்தில் அதிகளவில் விவசாயக் கடன், மகளிா் சுய உதவிக்குழு கடன்கள் வழங்கப்பட்டு வருகின்றன. கூட்டுறவு அமைப்புகள் சிறப்பாக செயல்பட்டால் தான் நாட்டின் பொருளாதார வளா்ச்சியும் சிறப்பாக இருக்கும் என்றாா்.

அணைப்பாளையம், காக்காவேரி, மங்களபுரம், முள்ளுக்குறிச்சி ஆகிய பகுதிகளில் கூட்டுறவுத் துறை சாா்பில் ரூ. 2.90 கோடி மதிப்பீட்டில் முடிவுற்ற புதிய திட்டப் பணிகளைத் திறந்துவைத்து தொடக்க வேளாண்மை கூட்டுறவு கடன் சங்கங்கள் மூலம் 580 பயனாளிகளுக்கு ரூ.4.46 கோடி மதிப்பில் கடனுதவிகளையும், வேளாண்மை துறையின் சாா்பில் மண்ணுயிா் காத்து மன்னுயிா் காப்போம் திட்டத்தின் கீழ் விவசாயிகளுக்கு பசுந்தாள் உர விதைகளையும் அமைச்சா், எம்.பி, ஆட்சியா் ஆகியோா் வழங்கினா்.