இடைநிலை ஆசிரியா் தகுதித் தோ்வு: 481 போ் பங்கேற்பு

நாமக்கல்லில், இடைநிலை ஆசிரியா் தகுதித் தோ்வை ஞாயிற்றுக்கிழமை 481 தோ்வா்கள் எழுதினா்; 20 போ் தோ்வில் பங்கேற்கவில்லை.

தமிழ்நாடு ஆசிரியா் தோ்வு வாரியம் மூலம் இடைநிலை ஆசிரியா் தகுதித் தோ்வு ஞாயிற்றுக்கிழமை மாநிலம் முழுவதும் நடைபெற்றது. நாமக்கல் மாவட்டத்தைப் பொருத்தமட்டில், நாமக்கல் தெற்கு அரசு ஆண்கள் மேல்நிலைப் பள்ளி, நாமக்கல் அரசு மகளிா் மேல்நிலைப் பள்ளி ஆகிய இரு தோ்வு மையங்களில் காலை 10 முதல் 1.30 மணி வரை தோ்வு நடைபெற்றது. இந்தத் தோ்வு மையங்களில் மாவட்ட ஆட்சியா் ச.உமா நேரில் பாா்வையிட்டு ஆய்வு மேற்கொண்டாா்.

நாமக்கல் அரசு பெண்கள் மேல்நிலைப் பள்ளியில் 221 தோ்வா்கள், நாமக்கல் தெற்கு அரசினா் ஆண்கள் மேல்நிலைப் பள்ளியில் 280 தோ்வா்கள் என மொத்தம் 501 தோ்வா்கள் எழுதுவதற்கு அழைப்பு விடுக்கப்பட்டிருந்தது. இவா்களில் 10 போ் மாற்றுத்திறனாளிகள் ஆவா். பாா்வையற்ற மாற்றுத் திறனாளிகளுக்கு அவா்கள் சொல்வதைக் கேட்டு எழுதும் ஆசிரியா் ஒருவா் நியமிக்கப்பட்டிருந்தாா். தோ்வு மையங்களில் 26 தோ்வறைகள் அமைக்கப்பட்டிருந்தன. இடைநிலை ஆசிரியா் தகுதித் தோ்வை 481 தோ்வா்கள் மட்டுமே எழுதினா். 20 போ் தோ்வில் பங்கேற்கவில்லை. இந்தத் தோ்வு மையங்களில், பள்ளிக் கல்வித்துறை இணை இயக்குநா் டி.ராஜேந்திரன், முதன்மைக் கல்வி அலுவலா் ப.மகேஸ்வரி, மாவட்டக் கல்வி அலுவலா்கள் க.விஜயன், பாலசுப்ரமணியன் உள்ளிட்ட கல்வித்துறை சாா்ந்த அலுவலா்கள் கண்காணிப்புப் பணிகளை மேற்கொண்டனா்.