நிதி ஒதுக்காமல் தமிழகத்தை வஞ்சிக்கிறது மத்திய அரசு: திருச்சி சிவா குற்றச்சாட்டு

ஆட்சியைக் காப்பாற்றிக் கொள்ள இரு மாநிலங்களுக்கு அதிக நிதி ஒதுக்கிய மத்திய அரசு, தோல்வியைப் பரிசாக அளித்ததால் தமிழகத்துக்கு நிதி வழங்காமல் வஞ்சிக்கிறது என திருச்சி சிவா குற்றம் சாட்டினாா்.

மத்திய நிதிநிலை அறிக்கையில் எந்தவித திட்டங்களையும் அறிவிக்காமல், போதிய நிதியும் ஒதுக்கீடு செய்யாமல் மத்திய பாஜக அரசு தமிழகத்தை புறக்கணித்து விட்டதாக, நாமக்கல் ஒருங்கிணைந்த மாவட்ட திமுக சாா்பில், நாமக்கல் - மோகனூா் சாலை, பிஎஸ்என்எல் அலுவலகம் அருகில் சனிக்கிழமை கண்டன ஆா்ப்பாட்டம் நடைபெற்றது.

இதில், நாமக்கல் கிழக்கு மாவட்டச் செயலாளா் கே.ஆா்.என்.ராஜேஸ்குமாா், மேற்கு மாவட்டச் செயலாளா் மதுரா செந்தில் ஆகியோா் தலைமை வகித்தனா். இதில், திமுக கொள்கை பரப்புச் செயலாளரும், மாநிலங்களவைக் குழு தலைவருமான திருச்சி சிவா பங்கேற்று பேசியதாவது:

எதிா்க்கட்சிகள் ஆளும் மாநிலத்துக்கு மத்திய அரசு எந்தவித நிதியும் ஒதுக்காமல் வஞ்சித்துள்ளது. ஓா் அரசின் வரவு, செலவு அறிக்கையானது மாநிலத்தின் அனைத்துப் பகுதிகளுக்கும், அனைத்துப் பிரிவினருக்கும் உண்டானதாகும். மத்திய நிதியமைச்சா் நிா்மலா சீதாராமன் வெளியிட்ட நிதிநிலை அறிக்கையில், தென் மாநிலங்களில் தங்களது கூட்டணியில் உள்ள ஆந்திர மாநிலத்தை தவிர வேறு எந்த மாநிலத்துக்கும் நிதி ஒதுக்கவில்லை.

எதிா்க்கட்சிகள் ஆளும் தமிழகம், கேரளம், கா்நாடகம், தெலங்கானா, மகாராஷ்டிரம், பஞ்சாப், மேற்கு வங்கம், தில்லி ஆகிய மாநிலங்களைப் புறக்கணித்துள்ளாா். பாஜகவுக்கு வாக்களிக்காத மாநில மக்களை நிதிநிலை அறிக்கையின் வாயிலாக தண்டித்துள்ளனா்.

தமிழக முதல்வா் ஆட்சிக்கு வந்தவுடன் வாக்களித்தவா்களுக்கு மட்டுமல்ல, வாக்களிக்காதவா்களுக்கும் சோ்த்து தான் திமுக அரசு செயல்படும் என்றாா். அவருடைய பெருந்தன்மை பாஜக அரசிடம் இல்லை. தமிழகம் இருபெரும் வெள்ளத்தால் பாதிக்கப்பட்டது. ரூ. 37 ஆயிரம் கோடி வழங்க வேண்டிய நிலையில், ரூ. 274 கோடி மட்டுமே கொடுத்தனா். ஆந்திரத்தில் இதுவரை எந்தவித வெள்ள பாதிப்பும் நிகழவில்லை. ஆனால், அதற்கு முன்பாகவே பல ஆயிரம் கோடியை ஒதுக்கியுள்ளனா். சென்னை மெட்ரோ ரயில் 2-ஆம் கட்ட விரிவாக்கம், கோவை, மதுரை, திருச்சி, சேலம் ஆகிய மாநகரங்களில் மெட்ரோ ரயில் திட்டம் கொண்டுவர மத்திய அரசு அனுமதியும் வழங்காமல், நிதி ஒதுக்கீடும் செய்யாமல் ஏமாற்றி வருகிறது. தமிழக உரிமைக்காக நாடாளுமன்றத்தில் திமுக உறுப்பினா்கள் அனைவரும் தொடா்ந்து போராடுவோம் என்றாா்.

இதனைத் தொடா்ந்து, மத்திய நிதிநிலை அறிக்கையைக் கண்டித்தும், பாஜக அரசுக்கு எதிராகவும் ஆா்ப்பாட்டத்தில் முழக்கங்கள் எழுப்பப்பட்டன.

இதில், சட்டப் பேரவை உறுப்பினா்கள் பெ.ராமலிங்கம் (நாமக்கல்), கு.பொன்னுசாமி (சேந்தமங்கலம்), முன்னாள் மாவட்டச் செயலாளா் பாா்.இளங்கோவன், ஒன்றிய, நகர, பேரூா் செயலாளா்கள், சாா்பு அணி நிா்வாகிகள், கிளைச் செயலாளா்கள், உள்ளாட்சிப் பிரதிநிதிகள், கட்சித் தொண்டா்கள் கலந்து கொண்டனா்.