முட்டை விலையில் மாற்றமில்லை

நாமக்கல் மண்டலத்தில் முட்டை விலை மாற்றமின்றி ரூ. 4.80-ஆக நீடிக்கிறது. தேசிய முட்டை ஒருங்கிணைப்புக் குழுவின் மண்டல ஆலோசனைக் கூட்டம் வெள்ளிக்கிழமை நடைபெற்றது. இதில், கோடை வெயிலின் தாக்கம் நாளுக்கு நாள் அதிகரிப்பதாலும், முட்டை விற்பனை சரிவடைந்துள்ளதாலும், மற்ற மண்டலங்களில் விலையில் மாற்றம் இல்லாததாலும், இங்கும் விலையில் தற்போதைக்கு மாற்றம் செய்ய வேண்டாம் என கோழிப் பண்ணையாளா்கள் தரப்பில் தெரிவிக்கப்பட்டது. இதனையடுத்து, முட்டை விலை மாற்றமின்றி ரூ. 4.80-ஆக நீடிப்பதாக ஒருங்கிணைப்புக் குழுவால் அறிவிக்கப்பட்டது. பல்லடத்தில் நடைபெற்ற தேசிய ஒருங்கிணைப்புக் குழுக் கூட்டத்தில் கறிக்கோழி கிலோ ரூ. 99-ஆகவும், முட்டைக் கோழி கிலோ ரூ. 67-ஆகவும் நிா்ணயிக்கப்பட்டது.