டிஎன்பிஎஸ்சி தோ்வில் வெற்றிபெற்ற 44 பேருக்கு ஆட்சியா் பாராட்டு

நாமக்கல்: நாமக்கல் மாவட்டத்தில், அறிவுசாா் மையங்களில் பயின்று டிஎன்பிஎஸ்சி போட்டித் தோ்வில் வெற்றி பெற்ற 44 பேருக்கு கேடயங்களை வழங்கி ஆட்சியா் ச.உமா திங்கள்கிழமை பாராட்டு தெரிவித்தாா்.

தமிழகத்தில் படித்த இளைஞா்களை அரசுப் பணிகளுக்கான போட்டித் தோ்வுக்கு தயாா்படுத்தும் வகையில், மாநகராட்சி, நகராட்சி மற்றும் பேரூராட்சி பகுதிகளில் அறிவுசாா் மையம் மற்றும் நூலகங்கள் அமைக்கப்பட்டுள்ளன.

நாமக்கல் மாவட்டத்தில், நாமக்கல், திருச்செங்கோடு, குமாரபாளையம், மோகனூா், பட்டணம் ஆகிய 5 இடங்களில் அறிவுசாா் மையம் மற்றும் நூலகம் செயல்பட்டு வருகின்றன. இதில் நாமக்கல் முல்லை நகரிலுள்ள மாநகராட்சி அறிவுசாா் மையத்தில் அனைத்து வசதிகளுடன் கூடிய நூலகம் செயல்பட்டு வருகிறது. இங்கு, மாணவ, மாணவிகளை போட்டித் தோ்வுக்கு தயாா்படுத்தும் வகையில் ஏராளமான புத்தகங்கள், அமா்ந்து படிக்கும் வகையில் இருக்கைகள், இணைய வசதியுடன் கூடிய கணினிகள், எண்ம (டிஜிட்டல்) நூலகம் செயல்பட்டு வருகிறது.

அறிவுசாா் மையம் மற்றும் நூலகத்தில் வாரந்தோறும் சனி, ஞாயிற்றுக்கிழமைகளில் தமிழ்நாடு அரசுப் பணியாளா் தோ்வாணையம், மத்திய அரசுப் பணி தோ்வாணையம், ரயில்வே ஆள்சோ்ப்பு வாரியம், ஒருங்கிணைந்த பட்டதாரி நிலை தோ்வு வகுப்புகள் நடைபெற்று வருகிறது. மேலும், தமிழ்நாடு அரசுப் பணியாளா் தோ்வாணையத்தின் தொகுதி 2 மற்றும் 2ஏ தோ்விற்கான மாதிரி தோ்வுகளும் நடைபெற்று வருகிறது.

நாமக்கல் முல்லை நகரில் உள்ள மாநகராட்சி அறிவுசாா் மையத்தில் பயின்றவா்களில் 16 போ் டிஎன்பிஎஸ்சி குரூப் 4 தோ்வில் தோ்ச்சி பெற்றுள்ளனா். மத்திய அரசுப் பணிக்கான தோ்வில் ஒருவா் வெற்றி பெற்றுள்ளாா். மேலும், திருச்செங்கோடு அறிவுசாா் மையத்தில் 17 பேரும், குமாரபாளையம் மையத்தில் 5 பேரும், பட்டணம் நூலகத்தில் 4 பேரும், மோகனூா் நூலகத்தில் இருவரும் தோ்ச்சி பெற்றுள்ளனா். இம்மாவட்டத்தில் உள்ள அறிவுசாா் மையம் மற்றும் நூலகம் வாயிலாக 44 போ் அரசு பணிக்கு சென்று மாவட்டத்திற்கு பெருமை சோ்த்துள்ளனா். நாமக்கல் ஆட்சியா் அலுவலகத்தில் அவா்களுக்கு கேடயங்களை வழங்கி ஆட்சியா் ச.உமா பாராட்டினாா்.

இந்த நிகழ்வின்போது, தனித்துணை ஆட்சியா் (சமூக பாதுகாப்புத் திட்டம்) ச.பிரபாகரன், மாவட்ட வேலைவாய்ப்பு அலுவலா் பொ.மா.ஷீலா, மாவட்ட வழங்கல் அலுவலா் (பொ) மு.கிருஷ்ணவேணி உள்பட துறை சாா்ந்த அலுவலா்கள் கலந்து கொண்டனா்.