2,120 மாணவா்களுக்கு விலையில்லா மிதிவண்டிகள்: அமைச்சா் மதிவேந்தன் வழங்கினாா்

திருச்செங்கோடு சட்டப் பேரவைத் தொகுதிக்கு உள்பட்ட 22 பள்ளிகளைச் சோ்ந்த 2,120 மாணவா்களுக்கு விலையில்லா மிதிவண்டிகளை அமைச்சா் மா.மதிவேந்தன் வழங்கினாா்.

திருச்செங்கோடு அரசு ஆண்கள் மேல்நிலைப் பள்ளியில் புதன்கிழமை நடைபெற்ற நிகழ்ச்சிக்கு முதன்மைக் கல்வி அலுவலா் எழிலரசி வரவேற்றாா். ஆதிதிராவிடா் நலத் துறை அமைச்சா் மா. மதிவேந்தன் மாணவ, மாணவிகளுக்கு மிதிவண்டிகளை வழங்கினாா்.

நிகழ்ச்சியில் நாமக்கல் மேற்கு மாவட்ட திமுக செயலாளா் கே.எஸ். மூா்த்தி, திருச்செங்கோடு நகராட்சி நகா்மன்றத் தலைவா் நளினி சுரேஷ்பாபு, நாமக்கல் மேற்கு மாவட்ட திமுக வழக்குரைஞா் அணி தலைவா் சுரேஷ்பாபு, நகா்மன்ற துணைத் தலைவா் காா்த்திகேயன் உள்ளிட்டோா் கலந்துகொண்டனா்.

நிகழ்ச்சியில் அமைச்சா் மா.மதிவேந்தன் பேசியதாவது:

மாணவா்களுக்கான கல்வி, வேலைவாய்ப்பு அளித்து அவா்களின் வாழ்வாதாரத்தை மேம்படுத்த முதல்வா் மு.க.ஸ்டாலின் பல்வேறு திட்டங்களை அமல்படுத்தியுள்ளாா். பள்ளிக் கல்வித் துறை, உயா்கல்வித் துறை, தொழில் துறைகளில் தமிழகம் முன்னணியில் உள்ளது என்றாா்.

படம்

04.12.25...1

திருச்செங்கோட்டில் மாணவா்களுக்கு விலையில்லா மிதிவண்டிகளை வழங்கிய அமைச்சா் மா.மதிவேந்தன்.