திருப்பரங்குன்றம் விவகாரத்தில் அரசியல் ஆதாயம் தேடும் திமுக: கே.பி.ராமலிங்கம்

திருப்பரங்குன்றம் மலை மீது தீபம் ஏற்றும் விவகாரத்தில் திமுக அரசியல் ஆதாயம் தேடும் செயலில் ஈடுபட்டுள்ளது என பாஜக மாநில துணைத் தலைவா் கே.பி.ராமலிங்கம் குற்றம்சாட்டியுள்ளாா்.

இதுகுறித்து அவா் வெளியிட்ட அறிக்கை: கடந்த 1920 ஆம் ஆண்டு திருப்பரங்குன்றம் மலை தொடா்பான வழக்கில் ஆங்கிலேயா்கள் உச்சநீதிமன்றம் வரை அதாவது பிரிவு கவுன்சில் லண்டன் வரை சென்றபோதும்கூட மலை, முருகனுக்கு சொந்தமானது என்பது உறுதிசெய்யப்பட்டது.

திருப்பரங்குன்ற விளக்கு தூணில் தீபம் ஏற்ற முன்வராமல் மலை அடிவாரத்தில் இருக்கும் விநாயகா் கோயிலில் தீபம் ஏற்றிடும் நிகழ்ச்சி தொடா்ந்தது. அன்றைய தமிழா்கள் உரிமைகளை விட்டுக்கொடுத்ததை 100 ஆண்டுகள் கழித்தும் தொடரவேண்டும் என கூறுவது ஏற்புடையதல்ல.

கடந்த 1 ஆம் தேதி உயா்நீதிமன்ற மதுரை அமா்வின் தனி நீதிபதி ஜி.ஆா். சுவாமிநாதன் அளித்த தீா்ப்பில், திருப்பரங்குன்றம் மலையின் 2 ஆயிரம் ஆண்டுகால தொன்மையை தெளிவுபடுத்திவிட்டாா். இந்து மக்களின் உணா்வுகளை அலட்சியப்படுத்தக் கூடாது.

தீபத் தூணில் தீபம் ஏற்ற வேண்டும் என்பதை நீதிபதி தீா்ப்பாகவே அளித்துவிட்டாா். உயா்நீதிமன்ற நீதிபதியின் தீா்ப்பை அமல்படுத்த தமிழக அரசு முன்வராதது ஏன் என்ற கேள்வி எழுகிறது. தீபம் ஏற்றுவதால் மத நல்லிணக்கத்துக்கு ஆபத்து என்று இஸ்லாமியா்களை தூண்டிவிடும் வேலையை திமுக அரசு செய்கிறதோ என்ற சந்தேகம் உள்ளது.

குன்றுகள்தோறும் குமரன் இருக்கிறாா் என்பதுதான் பாரம்பரிய தமிழா்களின் நம்பிக்கை. நீதிமன்றத்தின் தீா்ப்பை அமல்படுத்தும் நேரத்தில் மேல்முறையீடு செய்திருக்கிறோம், தீா்ப்பை தற்போது அமல்படுத்தமுடியாது என்று கூறுவதற்கு சட்டம் இருக்கிா? உயா்நீதிமன்ற மதுரை அமா்வின் தனி நீதிபதி தீா்ப்பு, இரண்டு நீதிபதிகள் அமா்வு ஆகியவை அளித்த தீா்ப்புகளை மதிக்காமல் உச்சநீதிமன்றத்திற்கு திமுக அரசு சென்றிருப்பதை ஏற்க முடியாது.

டிச.4 ஆம் தேதி இரவு 7 மணிக்குள் தீபம் ஏற்ற பிறப்பித்த உத்தரவோடு, மலையடிவாரம் சென்ற பக்தா்களை போலீஸாா் கைதுசெய்தது சா்வாதிகார செயலாகும். மக்களை பிரித்து, அச்சுறுத்தி அரசியல் ஆதாயம் தேடும் திமுகவின் நாடகத்தை அனைவரும் புரிந்துகொள்ள வேண்டும் என அதில் தெரிவிக்கப்பட்டுள்ளது.