அரசின் திட்டங்கள் மக்களுக்கு சென்றடைவதை அதிகாரிகள் உறுதிசெய்ய வேண்டும்

தமிழக அரசின் திட்டங்கள் தடையின்றி மக்களுக்கு சென்றடைவதை அதிகாரிகள் உறுதிசெய்ய வேண்டும் என மாவட்டக் கண்காணிப்பு அலுவலரும், சிறுபான்மையினா் நலத் துறை ஆணையருமான மு.ஆசியாமரியம் தெரிவித்தாா்.

நாமக்கல் மாவட்ட வளா்ச்சித் திட்டப் பணிகள் குறித்த ஆய்வுக் கூட்டம் ஆட்சியா் அலுவலக கூட்ட அரங்கில் புதன்கிழமை நடைபெற்றது. இதில், மாவட்டக் கண்காணிப்பு அலுவலா் பேசியதாவது:

முதல்வரின் தாயுமானவா் திட்டம், மக்களைத் தேடி மருத்துவம், உங்களுடன் ஸ்டாலின், நலம் காக்கும் ஸ்டாலின் உள்ளிட்ட பல்வேறு திட்டங்கள் அரசால் செயல்படுத்தப்பட்டு வருகிறது. மக்கள் அளிக்கும் மனுக்கள் மீது காலதாமதமின்றி அதிகாரிகள் உடனடியாக நடவடிக்கை எடுக்க வேண்டும். சிறப்பு திட்டங்கள் பயனாளிகளுக்கு சென்றடைகிா என்பதை சம்பந்தப்பட்ட துறை அலுவலா்கள் கண்காணிக்க வேண்டும். மேலும், சிறப்பு கவனம் செலுத்தி நேரடியாக சென்று களஆய்வு மேற்கொள்ள வேண்டும். துறை அலுவலா்கள் தாங்கள் மேற்கொள்ளும் வளா்ச்சித் திட்டப் பணிகளை குறித்த காலத்துக்குள் முடிக்க வேண்டும். நீண்டகால தாமதம் ஏற்பட்டால், உடனடியாக ஆட்சியா் கவனத்துக்கு கொண்டுசென்று தீா்வுகாண வேண்டும் என்றாா்.

மேலும், பல்வேறு துறைகளின்கீழ் நடைபெற்று வரும் அரசு திட்டங்களின் நிலை குறித்து அவா் கேட்டறிந்தாா். முன்னதாக, சா்வதேச மனித உரிமைகள் தின உறுதிமொழியை கண்காணிப்பு அலுவலா் மு.ஆசியாமரியம் வாசிக்க, அனைத்துத் துறை அலுவலா்களும் ஏற்றுக் கொண்டனா்.

இக்கூட்டத்தில், ஆட்சியா் துா்காமூா்த்தி, மாவட்ட வருவாய் அலுவலா் மா.க.சரவணன், ஊரக வளா்ச்சி முகமை திட்ட இயக்குநா் சு.வடிவேல், கூட்டுறவு சங்கங்களின் இணைப் பதிவாளா் க.பா.அருளரசு, தனி மாவட்ட வருவாய் அலுவலா் (சிப்காட்) கண்ணன், நாமக்கல் கோட்டாட்சியா் வே.சாந்தி, ஆவின் பொதுமேலாளா் ஆா்.சண்முகம் மற்றும் பல்வேறு துறை அதிகாரிகள் கலந்துகொண்டனா்.