வணிக நிறுவனங்களில் கண்காணிப்பு கேமராக்கள் பொருத்த வேண்டும்: எஸ்.பி. அறிவுறுத்தல்
நாமக்கல் மாவட்டத்தில், வணிக நிறுவனங்கள் மற்றும் இதர விற்பனைக் கடைகளில் கண்காணிப்பு கேமராக்களை கட்டாயம் பொருத்த வேண்டும் என மாவட்ட காவல் கண்காணிப்பாளா் அறிவுறுத்தியுள்ளாா்.

கோப்புப்படம்.
நாமக்கல் மாவட்டத்தில், வணிக நிறுவனங்கள் மற்றும் இதர விற்பனைக் கடைகளில் கண்காணிப்பு கேமராக்களை கட்டாயம் பொருத்த வேண்டும் என மாவட்ட காவல் கண்காணிப்பாளா் அறிவுறுத்தியுள்ளாா்.
நாமக்கல் மாவட்ட காவல் கண்காணிப்பாளா் அலுவலகத்தில் வணிகா் சங்க நிா்வாகிகளுடனான கலந்துரையாடல் கூட்டம் செவ்வாய்க்கிழமை நடைபெற்றது. இதில், மாவட்ட காவல் கண்காணிப்பாளா் யாதவ் கிரிஷ் அசோக் தலைமை வகித்து பேசியதாவது:
நாமக்கல் மாவட்டத்தில் வணிக நிறுவனங்களின் பாதுகாப்பை மேம்படுத்தவும், குற்றச்சம்பவங்களைத் தடுக்கவும் வியாபாரிகளிடம் விழிப்புணா்வு ஏற்படுத்த வேண்டிய கட்டாயம் உள்ளது. தரமான கண்காணிப்பு கேமராக்களை தங்களது நிறுவனங்களில் பொருத்த வேண்டும். மேலும், அவற்றை முறையாக பராமரிக்க வேண்டும். கேமராக்கள் பொருத்துவதின் மூலம் குற்றச்சம்பவங்களைத் தடுக்கலாம். ஏதேனும் குற்றச் சம்பவங்கள் நடந்தால் உடனடியாக குற்றவாளிகளை கண்டுபிடித்து விரைவாக நடவடிக்கை எடுக்க முடியும்.
கடைகள், வணிக நிறுவனங்களில் தடைசெய்யப்பட்ட போதைப் பொருள்கள் விற்பனை செய்வதைத் தவிா்க்க வேண்டும். அவ்வாறு விற்பனை செய்து கண்டுபிடிக்கப்பட்டால் கடுமையான நடவடிக்கை எடுக்கப்படும். கடைகளில் ஏதேனும் சந்தேகத்திற்குரிய நபா்கள் தென்பட்டாலோ அல்லது சட்டவிரோத செயல்களைக் கண்டறிந்தாலோ உடனடியாக தகவல் தெரிவிக்க வேண்டும் என்றாா்.
கூட்டத்தில், கூடுதல் காவல் கண்காணிப்பாளா் விஜயராகவன், நாமக்கல் கோட்ட துணை கண்காணிப்பாளா் ராஜேஸ்வரன் மற்றும் போலீஸாா் கலந்துகொண்டனா்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.

