விவசாயிகள் வேளாண் பட்டறிவு பயணம்

வட்டார வேளாண்மைத் துறை மூலம் மேச்சேரி வட்டார விவசாயிகள்,  சந்தியூரில் உள்ள வேளாண் அறிவியல் மையத்திற்கு அண்மையில் வேளாண் பட்டறிவு பயணம் அழைத்துச் செல்லப்பட்டனர். 
வேளாண் அறிவியல் நிலையச் செயல்பாடுகள் குறித்து விவசாயிகளுக்கு விளக்கப்பட்டது. ஒருங்கிணைந்த பண்ணைய முறையில் உபரி வருமானம்,  குறைந்த முதலீட்டில் அடர் பாலித்தீன் பையில் மண்புழு வளர்ப்பு,  புதிய முறையில் கறவை மாடு வளர்ப்பு, பரண்மேல் ஆடு வளர்ப்பு,  நாட்டுக் கோழி வளர்ப்பு, தேனீ வளர்ப்பு, சூரிய ஒளி உலர்த்தி மற்றும் பயறுவகை சாகுபடி தொழில்நுட்பங்கள் குறித்து விவசாயிகளுக்கு விளக்கம் அளிக்கப்பட்டது. ஒருங்கிணைந்து விவசாயம் செய்தால் வருமானத்தை அதிகப்படுத்தி லாபகரமாக்கலாம் என்பதை விவசாயிகள் நேரடியாகக் கண்டறிந்தனர். உதவித்தொழில்நுட்ப மேலாளர் சக்திவேல் விவசாயிகளுக்கான சுற்றுலா ஏற்பாடுகளை செய்திருந்தார்.