மேட்டூர் அணை நீர்வரத்து  3,165 கனஅடியாகச் சரிவு

மேட்டூர் அணைக்கு நீர்வரத்து நொடிக்கு 3,165 கனஅடியாகச் சரிந்தது.
கர்நாடக மாநிலம், கபினி அணையிலிருந்து திறக்கப்படும் உபரிநீரின் அளவு குறைக்கப்பட்டதால் மேட்டூர் அணைக்கு நீர்வரத்து கடந்த 4 நாள்களாக தொடர்ந்து சரிந்து வருகிறது. இந்த நிலையில் சனிக்கிழமை காலை 5,074 கனஅடியாக இருந்துவந்து அணையின் நீர்வரத்து ஞாயிற்றுக்கிழமை காலை நொடிக்கு 3,165 கனஅடியாகச் சரிந்தது. அணையிலிருந்து குடிநீர்த் தேவைக்காக நொடிக்கு 1,000 கனஅடி வீதம் தண்ணீர் திறக்கப்பட்டிருந்தது. அணையின் நீர்மட்டம் 63.68 அடியாக உயர்ந்தது. அணையின் நீர் இருப்பு 27.50 டி.எம்.சி.யாக இருந்தது.