மேட்டூர் அணை தண்ணீர் திறப்பு குறைப்பு

மேட்டூர் அணையிலிருந்து குடிநீருக்குத் திறக்கப்படும் நீரின் அளவு நொடிக்கு 1,000 கனஅடியாகக் குறைக்கப்பட்டது. மேட்டூர் அணையிலிருந்து குடிநீருக்காக நொடிக்கு 2,000 கனஅடி வீதம் தண்ணீர் திறக்கப்பட்டு வந்தது.
கடந்த சில தினங்களுக்கு முன்பு தண்ணீர் திறப்பு நொடிக்கு 1,500 கனஅடியாகக் குறைக்கப்பட்டது. திங்கள்கிழமை காலை குடிநீருக்குத் திறக்கப்படும் நீரின் அளவு நொடிக்கு 1,000 கனஅடியாக குறைக்கப்பட்டது. அணைக்கு வரும் நீரின் அளவு நொடிக்கு 528 கனஅடியாக சரிந்தது. அணையின் நீர்மட்டம் 32.98 அடியாகவும் நீர் இருப்பு 8.76 டி.எம்.சியாகவும் இருந்தது.