மேட்டூர் அணைக்கு  நீர்வரத்து அதிகரிப்பு

மேட்டூர் அணைக்கு நீர்வரத்து நொடிக்கு 6,158 கன அடியாக அதிகரித்துள்ளது. 
காவிரியின் நீர்ப்பிடிப்புப் பகுதிகளில் லேசான மழை பெய்து வருவதால், மேட்டூர் அணைக்கு நீர்வரத்து படிப்படியாக அதிகரித்து வருகிறது.  இந்த நிலையில், வெள்ளிக்கிழமை காலை 4,130 கனஅடியாகவும், சனிக்கிழமை 5,548 கனஅடியாகவும்,  ஞாயிற்றுக்கிழமை காலை 6,158 கன அடியாகவும் நீர்வரத்து அதிகரித்துள்ளது.  அணையிலிருந்து காவிரி டெல்டா பாசனத்துக்கு நொடிக்கு 500 கன அடி வீதமும்,  கிழக்கு மேற்கு கால்வாய் பாசனத்துக்கு நொடிக்கு 600 கன அடி வீதமும் தண்ணீர் திறக்கப்பட்டு வருகிறது.  பாசனத்துக்கு திறக்கப்படும் நீரின் அளவைவிட,  அணைக்கு வரும் நீரின் அளவு அதிகமாக இருப்பதால் ஞாயிற்றுக்கிழமை காலை மேட்டூர் அணையின் நீர்மட்டம் 98.42 அடியாக உயர்ந்தது. அணையின் நீர் இருப்பு 62.81டி.எம்.சி.யாக இருந்தது.