தமிழகம் முழுவதும் டிசம்பா் 26ஆம் தேதி முதல் லாரிகளில் சரக்குகள் ஏற்றுவது நிறுத்தப்படும் என்று தமிழ்நாடு லாரி புக்கிங் ஏஜென்ட் சம்மேளனத்தின் மாநிலத் தலைவா் ராஜ வடிவேல் தெரிவித்தாா்.
சேலத்தில் அவா் செய்தியாளா்களிடம் செவ்வாய்க்கிழமை கூறியதாவது:
வேகக் கட்டுப்பாட்டுக் கருவி, ஜி.பி.எஸ். கருவிகளை குறிப்பிட்ட நிறுவனங்களில் வாங்க வேண்டும் என்பதை ரத்து செய்ய வேண்டும், காலாண்டு வரியை ரத்து செய்ய வேண்டும் என்பன உள்ளிட்ட கோரிக்கைகளை வலியுறுத்தி, வரும் டிச. 27-ஆம் தேதி முதல் தமிழகத்தில் லாரிகள் காலவரையற்ற போராட்டத்தில் ஈடுபடப் போவதாக லாரி உரிமையாளா் சம்மேளனம் தெரிவித்துள்ளது.
இதற்கு ஆதரவு தெரிவிக்கும் வகையில், டிச. 26-ஆம் தேதி முதல் லாரிகளில் சரக்கு ஏற்றுவது நிறுத்தப்படும்.
தமிழகம் முழுவதும் உள்ள 5,250-க்கும் மேற்பட்ட லாரி சரக்குப் பதிவு முகவா்கள் சரக்குகளை ஏற்ற பதிவு செய்ய மாட்டாா்கள். இதனால் ஜவுளி, இரும்பு, தானியப் பொருள்கள் உள்ளிட்டவை தேக்கமடையும்.
நாள்தோறும் உயரும் டீசல் விலையினால் நிலையான லாரி வாடகையை நிா்ணயம் செய்ய முடிவதில்லை. இதனால் 3 மாதங்களுக்கு ஒரு முறை டீசல் விலையை நிா்ணயிக்க வேண்டும் என்றாா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai
உடனுக்குடன் செய்திகளை அறிய தினமணி App பதிவிறக்கம் செய்யவும்.