நடைப்பயிற்சியின்போது குப்பைகளை சேகரிக்கும் பணி

அஸ்தம்பட்டி கோம்பைப்பட்டி சாலையில் நடைப்பயிற்சியின்போது குப்பைகளை சேகரித்து அகற்றும் பணியில் மாநகரக் காவல் ஆணையா் த.செந்தில்குமாா், மாநகராட்சி ஆணையாளா் ந.ரவிச்சந்திரன் ஆகியோா் ஈடுபட்டனா்.

சேலம் மாநகராட்சியை தூய்மை மாநகரமாக மாற்ற, மக்களிடையே விழிப்புணா்வூட்டும் வகையில், நடைப்பயிற்சியின்போது மாநகரப் பகுதிகளில் நடைபாதை குப்பைகளைச் சேகரித்து அகற்றும் பணி (பிளாகிங்) சேலம் மாநகராட்சியின் பல்வேறு பகுதிகளில் சனிக்கிழமைதோறும் நடைபெற்று வருகிறது.

அஸ்தம்பட்டி மண்டலத்தில் கோம்பைபட்டி சாலை, ஏற்காடு மெயின் சாலை, பச்சியம்மன் தியேட்டா் ரோடு, ஏடிசி நகா் ஆகிய இடங்களில் பிளாகிங் சிறப்புப் பணி ஞாயிற்றுக்கிழமை நடைபெற்றது.

கோம்பைபட்டி சாலையில் நடைபெற்ற சிறப்பு பணியில் மாநகரக் காவல் ஆணையாளா் த.செந்தில்குமாா், மாநகராட்சி ஆணையாளா் ந.ரவிச்சந்திரன் ஆகியோா் கலந்து கொண்டனா்.

இப்பணியில் காவல் துறையினா், குடியிருப்போா் நலச்சங்கம், இளைஞா்கள் குழு, ரோட்டரி சங்கம், ஈசன் காா்த்தி நண்பா்கள் குழு, தன்னாா்வலா்கள் உள்பட 400 போ் ஈடுபட்டு 770 கிலோ எடையிலான நெகிழிகள், இதர மக்காத கழிவுகள் சேகரிக்கப்பட்டன.

நிகழ்ச்சியில், மாநகரக் காவல் துணை ஆணையாளா்கள் எஸ்.செந்தில், எம்.சந்திரசேகா், கூடுதல் காவல் துணை ஆணையாளா் கும்மராஜா, காவல் துறை உதவி ஆணையாளா்கள், மாநகர நல அலுவலா் மருத்துவா் கே.பாா்த்திபன், சுகாதார அலுவலா்கள், சுகாதார ஆய்வாளா்கள் மற்றும் காவல் துறையினா் ஆகியோா் கலந்து கொண்டனா்.

சேலம் மாநகராட்சிக்குட்பட்ட ஆா்.டி பால் தெரு, சாமிநாதபுரம், குரங்குச்சாவடி மெயின் ரோடு, இரும்பாலை மெயின் ரோடு, அபிராமி காா்டன், பாரதி நகா், அத்வைத ஆஸ்ரமம் சாலை, செரி சாலை, வித்யா நகா், கடலூா் மெயின் சாலை, வீராணம் மெயின் சாலை, கோவிந்தம்மாள் நகா், புத்தூா் இட்டேரி சாலை, அன்னதானப்பட்டி மெயின் சாலை ஆகிய பகுதிகளில் பிளாகிங் பணி நடைபெற்றது.

இப் பணியில் 450 தன்னாா்வலா்கள் ஈடுபட்டு, 860 கிலோ எடையுள்ள நெகிழிகள் மற்றும் இதர மக்காத கழிவுகளை சேகரித்தனா்.