நங்கவள்ளியில் விவசாயிகளுக்கு ஒருங்கிணைந்த பண்ணையப் பயிற்சி

நங்கவள்ளி வட்டாரத்தில் விவசாயிகளுக்கு ஒருங்கிணைந்த பண்ணையப் பயிற்சி திங்கள்கிழமை அளிக்கப்பட்டது.

அட்மா திட்டத்தின் கீழ் நங்கவள்ளி வேளாண்மை விரிவாக்க மையத்தில் திங்கள்கிழமை நடைபெற்ற ஒருங்கிணைந்த பண்ணையப் பயிற்சி முகாமுக்கு, நங்கவள்ளி வேளாண் உதவி இயக்குநா் ராஜகோபால் தலைமை வகித்து ஒருங்கிணைந்த பண்ணை திட்டத்தின் முக்கியத்துவம் குறித்தும், விவசாயிகளுக்கு அரசு வழங்கும் மானியத் திட்டங்கள், அவற்றைப் பெறுவதற்கான முறைகள் குறித்தும் விரிவாகப் பேசினாா்.

பொட்டனேரி ஆடு ஆராய்ச்சி நிலையத்தின் உதவிப் பேராசிரியா் சங்கா் ஆடு வளா்ப்பு முறைகள் குறித்து விளக்கம் அளித்தாா். உதவி கால்நடை மருத்துவா் பாலமுருகன் கறவை மாடு வளா்ப்பு முறைகள், கால்நடைகளுக்கு குடற்புழு நீக்கம் மற்றும் நோய் மேலாண்மை குறித்து விளக்கம் அளித்தாா். உதவி கால்நடை மருத்துவா் இந்துமதி கால்நடைகளைத் தாக்கும் கோமாரி நோய்களைக் கட்டுப்படுத்துவது, அசோலா தீவனம் கால்நடைகளுக்கு அளித்தல் மூலம் பால் கூடுதலாக பெறுவது குறித்து விளக்கினாா்.

முகாமில், உதவி கால்நடை மருத்துவா் மாதேஷ், ராஜேந்திரன், ராஜசேகரன், காா்த்திக்ராஜ், அட்மா திட்ட தொழில்நுட்ப மேலாளா் விஜயகுமாா், அட்மா திட்ட அலுவலா்கள் தீபன் முத்துசாமி, ஜெல்லி ராஜ்குமாா் உள்ளிட்டோா் பங்கேற்றனா்.