ஆயுதபூஜையையொட்டி சங்ககிரி சாலைப் பணியாளர்கள் சாலையோரத்தில் வைக்கப்பட்டுள்ள கற்களுக்கு படையல் வைத்து வழிபட்டனர்.
ஆயுதபூஜையையொட்டி சேலம் மாவட்டம், சங்ககிரியில் பணியாற்றி வரும் சாலைப்பணியாளர்கள் சங்ககிரி அருகே உள்ள கள்ளுக்கட்டூர் பகுதியில் சாலையோரத்தில் ஊர்களின் தூரத்தை குறிக்கும் வகையில் வைக்கப்பட்டுள்ள கற்களுக்கு வாழைகன்றுகள், மா இலைகள் கட்டியும், பூக்கள் அணிவித்து தேங்காய், பழம், பொறி ஆகியவைகளை சனிக்கிழமை படைத்து வழிப்பட்டனர்.