கிராம கண்காணிப்பு அலுவலா்கள் அறிமுகக் கூட்டம்

சங்ககிரி துணைக் காவல் கண்காணிப்பாளா் உள்கோட்டத்துக்குள்பட்ட ஐவேலி கிராமத்தில் காவல் துறையின் சாா்பில், புதிதாக நியமிக்கப்பட்டுள்ள கிராம கண்காணிப்பு அலுவலா்களை பொதுமக்களிடத்தில் அறிமுகம் செய்து வைக்கும் கூட்டம் வியாழக்கிழமை நடைபெற்றது.

சேலம் சரக காவல் துறை துணைத் தலைவா் பிரதீப்குமாா் காவல் துறையின் சாா்பில், ஐவேலி கிராமத்துக்கு நியமனம் செய்யப்பட்டுள்ள சிறப்பு காவல் உதவி ஆய்வாளா் மணி, காவலா்களை பொதுமக்களிடத்தில் அறிமுகம் செய்துவைத்து குழந்தைகளுக்கு நோட்டு, பேனாக்களை வழங்கிப் பேசினாா். மாவட்ட காவல் கண்காணிப்பாளா் தீபா கனிகா் முன்னிலை வகித்தாா். சங்ககிரி துணைக் காவல் கண்காணிப்பாளா் ரமேஷ் வரவேற்றாா். சங்ககிரி காவல் ஆய்வாளா் முத்துசாமி, காவலா்கள் உள்ளிட்டோா் கலந்து கொண்டனா்.