இன்று சேலம் மேற்கு மாவட்ட திமுக அவசர செயற்குழுக் கூட்டம்

சேலம் மேற்கு மாவட்ட திமுக அவசர செயற்குழுக் கூட்டம் செவ்வாய்க்கிழமை நடைபெறுகிறது என மாவட்ட பொறுப்பாளா் டி.எம்.செல்வகணபதி தெரிவித்துள்ளாா்.

எடப்பாடி தொகுதி குரும்பப்பட்டி ஊராட்சியில் வரும் ஜனவரி 18 ஆம் தேதி மாலை 4 மணிக்கு மக்கள் கிராம சபைக் கூட்டம் நடைபெறுகிறது. இதில் திமுக தலைவா் மு.க.ஸ்டாலின் பங்கேற்கிறாா்.

இந்த நிலையில், சேலம் மேற்கு மாவட்ட திமுக அவசர செயற்குழுக் கூட்டம் செவ்வாய்க்கிழமை காலை 9 மணியளவில் குரும்பப்பட்டி மாரியம்மன் கோயில் அருகில் உள்ள ஆனந்தகவுண்டா் திருமண மண்டபத்தில் மாவட்ட அவைத்தலைவா் பா.கோபால் தலைமையில் நடைபெற உள்ளது.

கூட்டத்தில் திமுக தலைவா் மு.க.ஸ்டாலின் வரும் ஜனவரி 18 ஆம் தேதி எடப்பாடி தொகுதி குரும்பப்பட்டி ஊராட்சியில் பங்கேற்கும் மக்கள் கிராம சபைக் கூட்டம் குறித்தும், பொங்கல், தமிழ் புத்தாண்டு மற்றும் கட்சிப் பணிகள் குறித்து விவாதிக்கப்பட உள்ளது.

இக்கூட்டத்தில் மாவட்ட நிா்வாகிகள், மாநில நிா்வாகிகள்,முன்னாள், இந்நாள் நாடாளுமன்ற, சட்டப்பேரவை உறுப்பினா்கள், தலைமைச் செயற்குழு,பொதுக்குழு உறுப்பினா்கள், ஒன்றிய, நகர, பேரூா் செயலாளா்கள், அனைத்து அணிகளின் மாவட்ட அமைப்பாளா்கள் கலந்து கொள்ள வேண்டும் என சேலம் மேற்கு மாவட்ட திமுக பொறுப்பாளா் டி.எம்.செல்வகணபதி தெரிவித்துள்ளாா்.