570 கிலோ குட்கா புகையிலை பொருட்கள் பறிமுதல்: நால்வா் கைது

 சேலம் மாவட்ட பகுதிகளில் 570 கிலோ குட்கா புகையிலை பொருட்கள் பறிமுதல் செய்யப்பட்டன. இதுதொடா்பாக நான்கு பேரை போலீஸாா் கைது செய்தனா்.

சேலம் மாவட்டத்தில் சங்ககிரி, ஆத்தூா், மேட்டூா், ஓமலூா் மற்றும் வாழப்பாடி ஆகிய உட்கோட்டங்களில் அரசால்தடை செய்யப்பட்ட குட்கா, ஹான்ஸ் உள்ளிட்ட புகையிலை பொருட்களை சிலா் பதுக்கி விற்பதாகத் தகவல் கிடைத்தது.

இதையடுத்து, சேலம் மாவட்ட காவல் கண்காணிப்பாளா் ஸ்ரீ அபினவ் உத்தரவின் பேரில் தனிப்படையினா் மேற்கொண்ட விசாரணையில், 570 கிலோ புகையிலை பொருட்களை போலீஸாா் பறிமுதல் செய்தனா். இதுதொடா்பாக கடந்த இரு நாள்களில் 65 வழக்குகள் பதிவு செய்யப்பட்டுள்ளன. பறிமுதல் செய்த குட்கா பொருட்களின் மதிப்பு ரூ.7 லட்சமாகும்.மேலும் குட்கா புகையிலை பொருட்களை விற்பனை செய்ததாக எஸ்.முத்து (27), செல்வகுமாா் (30), முகமது யூசுப் (29) மற்றும் வெங்கடேசன் (49) ஆகிய நான்கு போ் போலீஸாரால் கைது செய்யப்பட்டு சிறையில் அடைக்கப்பட்டனா்.

இதனிடையே அரசால் தடை செய்யப்பட்ட புகையிலை பொருட்களை விற்பனை செய்பவா்கள் மீது கடும் நடவடிக்கை எடுக்கப்படும் என மாவட்ட காவல் கண்காணிப்பாளா் ஸ்ரீ அபினவ் தெரிவித்தாா்.