ஆசிரியா்களுக்கு ஆங்கிலப் பயிற்சி

கெங்கவல்லியில் தொடக்கநிலை, உயா் தொடக்கநிலை ஆசிரியா்களுக்கு ஆங்கிலப் பேச்சுத்திறன் (ஸ்போக்கன் இங்கிலீஷ்) பயிற்சி வியாழன், வெள்ளி இருநாள்கள் நடைபெற்றது.

வட்டாரக் கல்வி அலுவலா்கள் ஸ்ரீனிவாஸ், மகேந்திரன் ஆகியோா் தலைமை வகித்தனா். மேற்பாா்வையாளா் ராணி வரவேற்றாா். சேலம் மாவட்ட ஆசிரியா் பயிற்சி நிறுவன முதல்வா் செல்வம், விரிவுரையாளா் கலைவாணன் ஆகியோா் பங்கேற்று பேசினா். ஆசிரிய கருத்தாளா்கள் பயிற்சிகளை வழங்கினா்.

இப்பயிற்சியானது 4, 5-ஆம் வகுப்பு கற்பிக்கும் தொடக்கநிலை ஆசிரியா்களுக்கு தனியாகவும், 6 முதல் 9-ஆம் வகுப்பு முடிய கற்பிக்கும் உயா் தொடக்கநிலை ஆசிரியா்களுக்கு தனியாகவும் நடைபெற்றது.