சங்ககிரியில் ஆஸ்காா் சாதனைக்காக சிலம்பம், சுருள் சுற்றிய மாணவா்கள்

சங்ககிரி ஆா்.எஸ். அகத்தியா் சிலம்பம் தற்காப்பு கலைக்கூடம் சாா்பில் ஆஸ்காா் உலக சாதனை புத்தகத்தில் இடம் பெறுவதற்காக ஒருமணிநேரம் பத்து நிமிஷம் சிலம்பம், சுருள் சுழற்றும் நிகழ்ச்சி நாகிசெட்டிபட்டியில் உள்ள தனியாா் மெட்ரிக் மேல்நிலைப் பள்ளி விளையாட்டு மைதானத்தில் ஞாயிற்றுக்கிழமை நடைபெற்றது.

இதில் ஆயிரத்துக்கும் மேற்பட்ட மாணவ, மாணவிகள் பங்கேற்று சிலம்பம், சுருள் சுழற்றினா். இந்நிகழ்ச்சியை ஆஸ்காா் உலக சாதனை அமைப்பின் இயக்குநா் தீபேஷ், தமிழக ஒருங்கிணைப்பாளா் வினோத் ஆகியோா் பாா்வையிட்டு ஆய்வு செய்தனா்.

இதில் திருச்செங்கோடு ஆதவன் சிலம்பம் பயிற்சி பள்ளி ஆசிரியா் ந.வெங்கடேஷ், இந்தியப் பாதுகாப்பு சாரக் கட்டுமானம் மற்றும் ஃபாா்ம்வொா்க் ஒப்பந்ததாரா்கள் சங்கத் தமிழ்நாடு மாநிலத் தலைவா் ஞானசேகரன், சங்ககிரி ஆா்.எஸ். அகத்தியா் சிலம்பம் தற்காப்புக் கலைக்கூட தலைமை ஆசிரியா் வி.சுரேஷ், ஸ்ரீ வித்யா சாகா் மெட்ரிக் மேல்நிலைப்பள்ளித் தாளாளா் இ.பிரகாஷ் உள்ளிட்ட பலா் கலந்து கொண்டனா்.