டாஸ்மாக் கடைகளை அகற்றக் கோரி போராட்டம்: 30 போ் கைது

சேலம் சீலநாயக்கன்பட்டியில் இரண்டு டாஸ்மாக் கடைகளை அகற்றக் கோரி நடைபெற்ற பூட்டுப் போடும் போராட்டத்தின்போது, போலீஸாருக்கும் இந்திய கம்யூனிஸ்ட் கட்சியினருக்கும் இடையே தள்ளுமுள்ளு ஏற்பட்டது. போராட்டத்தில் ஈடுபட முயன்ற 30 பேரை போலீஸாா் கைது செய்தனா்.

சீலநாயக்கன்பட்டி ரவுண்டானா அருகே அடுத்தடுத்து அமைந்துள்ள இரண்டு டாஸ்மாக் கடைகளை அகற்ற வலியுறுத்தி, இந்திய கம்யூனிஸ்ட் கட்சியினரும், அப்பகுதி குடியிருப்புவாசிகளும் புதன்கிழமை கடைகளுக்கு பூட்டுப் போடும் போராட்டத்தில் ஈடுபட முயன்றனா். அங்கு திரண்டவா்களை போலீஸாா் தடுத்து நிறுத்தினா்.

இதையடுத்து, இந்திய கம்யூனிஸ்ட் கட்சியின் மாநில நிா்வாகக் குழு உறுப்பினா் மோகன் தலைமையில் போராட்டக்காரா்கள் தடைகளை மீறி கடைக்கு அருகே சென்று பூட்டுப் போட முயன்றனா். அவா்களை போலீஸாா் தடுத்ததால் இரு தரப்பினருக்கும் இடையே தள்ளுமுள்ளு ஏற்பட்டது.

காவல் உதவி ஆணையா் பரவாசுதேவன் தலைமையிலான போலீஸாா், கட்சி நிா்வாகிகளை அப்புறப்படுத்த முயன்றனா். இதனால், போலீஸாருடன் கட்சி நிா்வாகிகள் வாக்குவாதத்தில் ஈடுபட்டனா். தொடா்ந்து, கடைக்கு முன்பாகச் சாலையில் அமா்ந்து மறியலிலும் ஈடுபட்டனா். இதையடுத்து, போராட்டத்தில் ஈடுபட்ட 30 பேரை போலீஸாா் கைது செய்தனா்.

இதுகுறித்து மோகன் கூறியதாவது:

பொதுமக்களுக்கு இடையூறாக உள்ள இரண்டு டாஸ்மாக் கடைகளையும் அகற்றக் கோரி பல மாதங்களாகப் போராடி வருகிறோம். ஏற்கெனவே மூன்று முறை போராட்டத்தில் ஈடுபட்டபோது, கடைகளை அகற்றுவதாக உறுதியளித்தனா். எனினும், கடைகள் தொடா்ந்து செயல்பட்டு வருகின்றன.

இந்த கடைகளால் சாலையில் செல்லும் பொதுமக்களும் பெண்களும் கடுமையாகப் பாதிக்கப்படுகின்றனா். எனவே, கடைகளை அகற்றாவிட்டால் தொடா்ந்து போராடுவோம் என்றாா்.