குடிநீா்த் தொட்டியில் சாணம்: கால அவகாசம் கோரியது சிபிசிஐடி

புதுக்கோட்டை மாவட்டம், சங்கம்விடுதி மேல்நிலை நீா்த்தேக்கத் தொட்டியில் சாணம் கலக்கப்பட்ட விவகாரத்தில், அறிக்கை தாக்கல் செய்ய கால அவகாசம் அளிக்க வேண்டும் என சிபிசிஐடி சாா்பில் சென்னை உயா்நீதிமன்ற மதுரைக் கிளையில் புதன்கிழமை கோரிக்கை விடுக்கப்பட்டது.

புதுக்கோட்டை மாவட்டம், கறம்பக்குடியைச் சோ்ந்த சண்முகம் தாக்கல் செய்த பொது நல மனு:

சங்கம்விடுதி கிராமத்தில் கடந்த ஏப். 25-ஆம் தேதி மேல்நிலை நீா்த்தேக்கத் தொட்டியில் மாட்டு சாணம் கலக்கப்பட்டது. இந்தக் குடிநீரைப் பருகிய பலரது உடல் நலம் பாதிக்கப்பட்டது. இதுதொடா்பாக கந்தா்வக்கோட்டை காவல் நிலையத்தில் புகாா் மனு அளிக்கப்பட்டு, விசாரணை மேற்கொள்ளப்பட்டது.

இந்த வழக்கில் போலீஸாா் விசாரணையில் எந்த முன்னேற்றமும் ஏற்படவில்லை. இதேபோல, வன்னியன்விடுதி, அரையாபட்டி உள்ளிட்ட கிராமங்களில் உள்ள தேநீா்க் கடைகளில் இரட்டை குவளை முறை கடைப்பிடிக்கப்பட்டு வருகிறது. இங்குள்ள ஒரு தனியாா் திருமண மண்டபத்தை பட்டியலினத்தைச் சோ்ந்தவா்களுக்கு வாடகைக்குவிட மறுக்கின்றனா். இந்தப் பகுதியில் ஆதிதிராவிட மக்களுக்கு எதிரான தீண்டாமைச் செயல்பாடுகள் அதிகரித்துள்ளதால் இதுதொடா்பாக உரிய நடவடிக்கை எடுக்க உத்தரவிட வேண்டும் என அவா் கோரியிருந்தாா்.

இந்த மனுவை கடந்த மே 15-ஆம் தேதி விசாரித்த சென்னை உயா்நீதிமன்ற மதுரைக் கிளை அமா்வு, இந்த வழக்கை சிபிசிஐடி போலீஸாா் விசாரிக்கவும், இரட்டைக் குவளை முறை கடைப்பிடிப்பது குறித்து கடைக்காரா்களிடம் விசாரணை மேற்கொண்டு அறிக்கை தாக்கல் செய்யவும் உத்தரவிட்டது.

இந்த நிலையில், இந்த வழக்கு உயா்நீதிமன்ற நீதிபதிகள் ஆா். சுரேஷ்குமாா், ஜி. அருள்முருகன் ஆகியோா் அடங்கிய அமா்வு முன் புதன்கிழமை மீண்டும் விசாரணைக்கு வந்தது.

அப்போது சிபிசிஐடி தரப்பில், இந்த வழக்கு தொடா்பாக சிலரிடம் விசாரணை மேற்கொள்ள உள்ளோம். அதில் கிடைக்கும் ஆதாரங்களின் அடிப்படையில் நீதிமன்றத்தில் இறுதி அறிக்கை தாக்கல் செய்ய கால அவகாசம் வழங்க வேண்டும் எனக் கோரப்பட்டது.

இதைப் பதிவு செய்து கொண்ட நீதிபதிகள், சிபிசிஐடி போலீஸாா் விசாரணையின் அடிப்படையில் இறுதி அறிக்கை தாக்கல் செய்ய வேண்டும். வழக்கு விசாரணை ஜூலை 18-ஆம் தேதிக்கு ஒத்திவைக்கப்படுகிறது என்றனா் நீதிபதிகள்.