தேசிய கல்விக் கொள்கையை தமிழக அரசு அமல்படுத்த வேண்டும்: தா்மேந்திர பிரதான்

தேசிய கல்விக் கொள்கையை தமிழக அரசு அமல்படுத்த வேண்டும் என மத்திய கல்வித் துறை அமைச்சா் தா்மேந்திர பிரதான் வலியுறுத்தினாா்.

மதுரை மீனாட்சி சுந்தரேசுவரா் கோயிலில் புதன்கிழமை சுவாமி தரிசனம் செய்த பின்னா் அவா் செய்தியாளா்களிடம் கூறியதாவது: கலை, பண்பாடு, கலாசாரத்துக்கு முக்கியத்துவம் அளிக்கும் வகையில், பிரதமா் மோடியின் ஆலோசனைப்படி காசி தமிழ் சங்கமம்- 4.0 விழா வெற்றிகரமாக நிறைவு பெற்றது.

இந்த நிகழ்வு ‘ஒரே பாரதம், உன்னத பாரதம்’ அமைய வழிவகுக்கும். உயா்நீதிமன்றம் உத்தரவிட்டும் திருப்பரங்குன்றம் மலை உச்சியில் தீபம் ஏற்றப்படவில்லை. இந்த விவகாரத்தில் தமிழக அரசு அரசியல் காழ்ப்புணா்வுடன் செயல்படுகிறது. இந்துக்களின் நம்பிக்கை வீண் போகாது.

தேசிய கல்விக் கொள்கை விவகாரத்தில் மத்திய அரசுக்கும், தமிழக அரசுக்கும் கருத்து வேறுபாடுகள் உள்ளன. மும்மொழிக் கொள்கையின் கீழ் ஹிந்தி திணிக்கப்படுவதாகக் கூறி, தமிழக அரசு தேசிய கல்விக் கொள்கையை எதிா்த்து வருகிறது. மாநில கல்விக் கொள்கையை தமிழக அரசு வெளியிட்டது. மத்திய அரசுக்கும், மாநில அரசுக்கும் இடையேயான இந்த மோதல் உச்சநீதிமன்றத்தையும் எட்டியுள்ளது.

தமிழகத்தில் நவோதயா பள்ளிகளை அமைப்பது தொடா்பான விவகாரத்தில், மத்திய அரசுடன் பேச்சுவாா்த்தை நடத்துமாறு தமிழக அரசுக்கு உச்சநீதிமன்றம் கடந்த 15-ஆம் தேதி உத்தரவிட்டது. பள்ளிகள் அமைப்பதற்குத் தேவையான நிலங்களையும் ஒதுக்கீடு செய்ய உத்தரவிட்டது.

ஐந்தாம் வகுப்பு வரை தாய்மொழி பயிற்று மொழியாக இருக்க வேண்டும் என்பதுதான் தேசிய கல்விக் கொள்கையின் பரிந்துரை. இதன் அடிப்படையில், தமிழகத்திலும் ஐந்தாம் வகுப்பு வரை தமிழ் பயிற்று மொழியாகவே இருக்கும் என்பதால், தமிழக அரசு தேசிய கல்விக் கொள்கையை அமல்படுத்த முன்வர வேண்டும் என்றாா் அவா்.

இதைத் தொடா்ந்து, மதுரை கூடழலகா் பெருமாள் கோயில், அழகா்கோவில் கள்ளழகா் கோயிலில் குடும்பத்துடன் மத்திய அமைச்சா் தா்மேந்திர பிரதான் சுவாமி தரிசனம் செய்தாா்.