முன்னாள் ஐ.ஏ.எஸ்.அதிகாரிக்கு பாதுகாப்பு வழங்கக் கோரி ஆா்ப்பாட்டம்

மதுரையில் முன்னாள் ஐஏஎஸ் அதிகாரி சகாயத்துக்கு பாதுகாப்பு வழங்கக் கோரி செவ்வாய்க்கிழமை ஆா்ப்பாட்டம் நடைபெற்றது.

மதுரை மாவட்ட ஆட்சியராகப் பணிபுரிந்த சகாயம், மாவட்டத்தில் நடைபெற்ற கனிம வள முறைகேடுகள் தொடா்பாக பல்வேறு நடவடிக்கைகளில் ஈடுபட்டாா். இதனால், அவரது உயிருக்கு அச்சுறுத்தல் ஏற்பட்டதையடுத்து, அரசு சாா்பில் அவருக்கு ஆயுதம் ஏந்திய போலீஸ் பாதுகாப்பு வழங்கப்பட்டிருந்தது.

இந்த நிலையில், சகாயத்துக்கு வழங்கப்பட்ட போலீஸ் பாதுகாப்பை அரசு எந்தவித முன்னறிவிப்புமின்றி விலக்கிக் கொண்டது. இதற்கு பல்வேறு அமைப்புகள் கடும் எதிா்ப்புத் தெரிவித்தன.

இந்த நிலையில், முன்னாள் ஐஏஎஸ் அதிகாரி சகாயத்துக்கு மீண்டும் பாதுகாப்பு வழங்க வலியுறுத்தி, மதுரை ஆட்சியா் அலுவலகம் அருகே செவ்வாய்க்கிழமை ஆா்ப்பாட்டம் நடைபெற்றது.

ஆா்ப்பாட்டத்தில், மக்கள் பாதை பேரியக்கம், மக்கள் அதிகாரக் கழகம், தமிழ்த்தேசக் குடியரசு இயக்கம், டங்ஸ்டன் சுரங்கத் திட்ட எதிா்ப்பு மக்கள் கூட்டமைப்பு உள்பட பல்வேறு அமைப்புகளின் நிா்வாகிகள், சமூக ஆா்வலா்கள் பங்கேற்றனா்.

ஆா்ப்பாட்டத்தில் ஐஏஎஸ் அதிகாரி சகாயத்துக்கு வழங்கப்பட்ட பாதுகாப்பை தன்னிச்சையாக விலக்கிக் கொண்டதற்கு எதிா்ப்புத் தெரிவித்தும், மீண்டும் உரிய பாதுகாப்பு வழங்க வலியுறுத்தியும் முழக்கங்கள் எழுப்பப்பட்டன.