பணத்துக்காக கடத்தப்பட்டதாக லாரி தரகர் போலீஸில் புகார்

கொடுக்கல் வாங்கல் பிரச்னையில் தன்னை சிலர் கடத்திச்சென்றதாக ஒட்டன்சத்திரத்தைச் சேர்ந்த லாரி தரகர் போலீஸாரிடம் புகார் அளித்துள்ளார்.
     ஒட்டன்சத்திரம் சத்தியா நகரைச் சேர்ந்தவர் தங்கராஜ் (45). லாரி தரகரான  இவர் தாராபுரம் சத்திரம் பகுதியைச் சேர்ந்த செந்திலிடம் ரூ.1 லட்சம் கடன் பெற்றதாகக் கூறப்படுகிறது. கடனைத் திருப்பித் தராத நிலையில், அவரை செந்தில் உள்ளிட்ட சிலர் செவ்வாய்க்கிழமை இரவில் ஒட்டன்சத்திரம் பேருந்து நிலையப் பகுதியிலிருந்து கடத்தி தாராபுரம் பகுதியில் இறக்கிவிட்டுள்ளனர். 
அங்கிருந்து தப்பிவந்த தங்கராஜ் புதன்கிழமை ஒட்டன்சத்திரம் போலீஸாரிடம் புகார் அளித்தார். அதனடிப்படையில் போலீஸார் வழக்குப்பதிந்து விசாரித்துவருகின்றனர்.