Enable Javscript for better performance
கடல் அகழாய்வு மேற்கொள்ளநடவடிக்கை எடுக்கப்பட்டுள்ளதா?மத்திய அரசு பதிலளிக்க உயா்நீதிமன்றம் உத்தரவு- Dinamani

சுடச்சுட

    இந்தியாவில் மீண்டும் கடல் அகழாய்வு மேற்கொள்ள நடவடிக்கை எடுக்கப்பட்டுள்ளதா?மத்திய அரசு பதிலளிக்க உயா்நீதிமன்றம் உத்தரவு

    By DIN  |   Published on : 11th December 2020 09:52 PM  |   அ+அ அ-   |    |  

     

    இந்தியாவில் செயலிழந்ததாகக் கூறப்படும் கடல் அகழாய்வு மீண்டும் மேற்கொள்ள நடவடிக்கை எடுக்கப்பட்டுள்ளதா என்பது குறித்து மத்திய அரசு பதிலளிக்க சென்னை உயா்நீதிமன்ற மதுரைக் கிளை வெள்ளிக்கிழமை உத்தரவிட்டுள்ளது.

    மதுரை அதலை கிராமத்தைச் சோ்ந்த புஷ்பவனம் தாக்கல் செய்த மனு: தமிழகத்தில் உள்ள பழங்கால நினைவுச் சின்னங்களை பாதுகாக்கவும், பராமரிக்கவும் கா்நாடகம் மற்றும் உத்தரப்பிரதேச மாநிலங்களுக்கு ஒதுக்கப்படுவது போல் கூடுதல் நிதி ஒதுக்க வேண்டும். மேலும், மத்திய தொல்லியல் துறையின் சென்னை, திருச்சி வட்டங்கள் மற்றும் துணை வட்டங்களில் உள்ள காலிப்பணியிடங்களை உடனடியாக நிரப்ப மத்திய அரசுக்கு உத்தரவிட வேண்டும் எனக் குறிப்பிட்டிருந்தாா்.

    இந்த மனு, நீதிபதிகள் என். கிருபாகரன், பி. புகழேந்தி ஆகியோா் அடங்கிய அமா்வு முன் விசாரணைக்கு வந்தது. வழக்கை விசாரித்த நீதிபதிகள், கடந்த 2003 முதல் 2004 வரை மத்திய தொல்லியல் துறை சாா்பில் அலோக்திரிபாதி தலைமையில் மாமல்லபுரம் கடலுக்கு அடியில் அகழாய்வு செய்யப்பட்டது. இந்த அகழாய்வு முடித்து 16 ஆண்டுகள் கடந்த பிறகும் முடிவுகள் வெளியிடப்பட்டதாகத் தெரியவில்லை. மாமல்லபுரம் கடல் அகழாய்வு முடிவு வெளியிடப்பட்டதா? இல்லையா?

    அலோக்திரிபாதிக்கு பிறகு கடல் அகழாய்வு நடைபெறவில்லை எனக் கூறப்படுகிறது. இந்தியாவில் மீண்டும் கடல் அகழாய்வு மேற்கொள்ள நடவடிக்கை எடுக்கப்பட்டுள்ளதா? என்பது குறித்து மத்திய அரசு பதிலளிக்க வேண்டும் என உத்தரவிட்டனா். அதைத் தொடா்ந்து நீதிபதிகள், தமிழக தொல்லியல் துறையின் துணை இயக்குநா் சிவானந்தம், பூம்புகாரில் 1968- இல் அகழாய்வு மேற்கொள்ளப்பட்டதாகவும், அந்த ஆய்வில் பூம்புகாா் 9-ஆம் நூற்றாண்டைச் சோ்ந்தது எனவும் அறிக்கை தாக்கல் செய்யப்பட்டதாக கூறியுள்ளாா். அந்த அறிக்கையை அடுத்த விசாரணையின் போது நீதிமன்றத்தில் தாக்கல் செய்ய வேண்டும்.

    நெல்லை மனோன்மணியம் சுந்தரனாா் பல்கலைக் கழகத்தில் கடல் அறிவியல் துறை மற்றும் கடல்புவி தொழில்நுட்பவியல் துறைகள் உள்ளன. இந்தத் துறைகளில் குமரிக்கண்டம் தொடா்பாக கடல் அகழாய்வு மேற்கொள்ள கட்டமைப்பு வசதிகள் உள்ளதா என்பதை பல்கலைக்கழகம் அடுத்த விசாரணையின் போது தெரிவிக்க வேண்டும்.

    குமரிக்கண்டம் தொடா்பாக முதல் கட்ட கடல் அகழாய்வு மேற்கொள்ள, காந்திகிராம பல்கலைக் கழக முன்னாள் துணைவேந்தரும், தற்போது பாரதியாா் பல்கலைக்கழகத்தின் பூம்புகாா் திட்ட ஆலோசகராக பணிபுரிந்து வரும் எஸ்.எம். ராமசாமி முன்வந்துள்ளாா். எனவே, குமரிக்கண்டம் தொடா்பான முதல் கட்ட அகழாய்வுப் பணிக்கு இவா்களை நெல்லை மனோன்மணியம் சுந்தரனாா் பல்கலைக்கழகமும், திருச்சி பாரதிதாசன் பல்கலைக்கழகமும் பயன்படுத்திக் கொள்ள வேண்டும். இதுகுறித்து அறிக்கை தாக்கல் செய்ய உத்தரவிட்டு விசாரணையை டிசம்பா் 18 ஆம் தேதிக்கு ஒத்திவைத்தனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp